Kjúklingabringur með ýmsu gúmmelaði og marengsbomba á eftir
„Okkur langar til að deila með ykkur uppskriftum sem sem vekja ávallt kátínu á okkar heimili,“ sögðu þau Halla Gísladóttir og Jón Guðmann Jakobsson frá Blönduósi sem voru sælkerar vikunnar í 17. tölublaði Feykis á því herrans ári 2015.
Aðalréttur
Fylltar kjúklingabringur með beikoni, fetaosti, döðlum og furuhnetum (fyrir 4)
4 stk kjúklingabringur
1 bréf beikon
1 krukka (150g) Dala fetaostur í kryddolíu
200 g döðlur, þurrkaðar
80 g furuhnetur
Aðferð:
Byrjið á því að hita ofninn í 180°C. Skerið beikonið og döðlurnar smátt niður og setjið í skál. Blandið fetaostinum síðan saman við ásamt olíunni úr krukkunni. Brúnið furuhneturnar á pönnu en gætið þess að brenna þær ekki. Setjið hneturnar síðan saman við beikonið, döðlurnar og fetaostinn.
Þá er komið að því að fylla bringurnar.
Stingið löngum hníf inn í bringuna og útbúið vasa án þess að gata bringuna. Fyllið síðan bringuna með fyllingunni en gætið að offylla ekki þannig að fyllingin flæði út um allt. Ef þið eruð vön að skera vasa í hliðina og loka svo með tannstönglum þá er það líka í lagi.
Setjið bringurnar í eldfast mót og inní ofn í 40 mín við 180°C.
Meðlæti:
Borið fram með piparostasósu, ofnbökuðum kartöflum og salati.
Piparostasósa
1 piparostur
500 ml rjómi
1 msk rifsberjahlaup
Aðferð:
Skerið piparostinn í litla bita og setjið í pott ásamt rjómanum og rifsberjahlaupinu. Leyfið ostinum og risberjahlaupinu að bráðna við vægan hita og hrærið vel í sósunni á meðan.
Ofnbakaðar kartöflur
1 stk stór sæt kartafla
10 stk meðalstórar kartöflur
3-4 msk ólífuolía
1-2 msk hvítlaukssalt
1-2 msk rósmarín krydd
Aðferð:
Hitið ofninn í 180°C. Skrælið kartöflurnar og skerið í teninga og setjið í eldfast mót. Setjið ólífuolíu, hvítlaukssalt og rósmarín yfir kartöfluteningana. Bakið í ofni í 40 mínútur við 180°C. Gott er að hræra í af og til.
Eftirréttur
Marengsbomba
1 stk púðursykurmarengsbotn
2 stk Snickers súkkulaði
2 stk Mars súkkulaði
1/2 l rjómi
ferskir ávextir, t.d. vínber, jarðaber, bláber, kiwi og hunangsmelóna.
Aðferð:
Marengsinn er mulinn niður í form, síðan er rjóminn þeyttur og blandað saman við marengsinn. Brytjið súkkulaðið og ávextina niður og dreifið yfir. Gott er að hafa mikið af ávöxtunum. Setjið inn í ísskáp í smá stund áður en rétturinn er borinn fram.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.