Bláberjaís á fimm mínútum
„Við erum hjónin Pétur Hafsteinn Sigurvaldason frá Litlu-Ásgeirsá í Víðidal og Bjarney Alda Benediktsdóttir frá Neðri-Torfustöðum í Miðfirði. Við búum að Neðri-Torfustöðum ásamt börnum okkar. Þau eru Ármann, Kristrún og María. Bústofninn á bænum er blandaður; kýr, kindur og nokkur hross. Ekki má gleyma að nefna tíkina okkar Millu, örustu hjálparhellu norðan Alpafjalla," sögðu hjónin Pétur og Bjarney, sem voru matgæðingar vikunnar í 29. tbl. Feykis árið 2013.
„Sumarið er tími uppskeru. Því er ekki úr vegi að uppskriftirnar innihaldi að einhverju leyti eitthvað af öllu því góða hráefni sem náttúran og gróðurhús landsins hafa uppá að bjóða. Við deilum því með ykkur þremur uppskriftum, með þetta í huga. Ferskt salat sem endalaust er hægt að breyta, allt eftir smekk eða því hvað til er í ísskápnum hverju sinni. Gratín sem passar vel með öllum mat, ekki síst grilluðum og að lokum hvernig töfra má fram yndislegan bláberjaís á aðeins 5 mínútum."
Rækjusalat með eplum og ananas
½ haus jöklasalat
½ gúrka
2 græn epli
1 rauð paprika
¼ ferskur ananas
¼ blaðlaukur
½ poki klettasalat
300 g stórar rækjur
1½ dós sýrður rjómi
½ sítróna
salt og nýmalaður pipar
1 dl ferskar kryddjurtir, eftir smekk (smátt saxaðar)
Aðferð:
Rífið niður salatið, fræhreinsið epli, papriku og skerið í bita ásamt gúrku og ananas. Saxið blaðlauk. Raðið fallega ofan á salatið og hafið rækjurnar efstar.
Hrærið saman sýrða rjómanum, sítrónusafa, kryddjurtum, salti og pipar. Gott að byrja á að hræra saman dressinguna og láta bíða í ísskáp þar til salatið er borið fram.
Kartöflugratín með spergilkáli
½ kg kartöflur
½ haus spergilkál
1 stk laukur
1 rif hvítlaukur
1½ dl rjómi
1½ dl mjólk
salt og nýmalaður pipar
u.þ.b. 150 g rifinn ostur
Aðferð:
Penslið hæfilega stórt eldfast mót. Skerið kartöflur í sneiðar og spergilkál skorið fremur smátt. Forsjóðið í saltvatni þar til það verður tæplega meyrt. Laukur saxaður. Setjið kartöflur, spergilkál og lauk í mótið. Blandið saman rjóma, mjólk, pressuðum hvítlauk, salti og pipar og hellið yfir. Dreifið rifna ostinum yfir og bakið í 180° heitum ofni í u.þ.b. 30 mínútur eða þar til gratínið hefur fengið fallega gullinn lit. (Hér má líka rífa niður piparost og bræða í rjómablandinu sem hellt er yfir og sleppa þá salti og pipar)
Bláberjaís
400 g frosin bláber
200 ml rjómi
1 stk egg
10 dropar stevía
Aðferð:
Setjið bláberin í matvinnsluvél og látið vélina snúast í nokkrar sekúndur. Bætið síðan út í rjóma, eggi og stevíu. Unnið saman þar til blandan hefur fengið þykka og fallega áferð.
Verði ykkur að góðu !
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.