Að elda handahófskennt
„Oft er gott að prófa sig áfram með eitthvað nýtt án þess að fylgja uppskrift, og er svoleiðis tilraunamennska oft stunduð hér á bæ. Svoleiðis tilraunamennska er einnig mjög hentug til þess að nýta afganga og mat sem er á síðasta snúning, eða á það til að gleymast aftast inn í ísskáp. Hafa skal þó í huga að sumar tilraunir mistakast og maður þarf að sætta sig við það að ágætis hluti afrakstursins getur orðið frekar ósmekklegur,“ sögðu Jóhannes G. Þorsteinsson og Arnfríður Hanna Hreinsdóttir á Kollafossi í Miðfirði en þau voru matgæðingar 15. tölublaðs Feykis 2016.
„Gott er því að stunda svona skemmtilegheit með rétti sem fara ekki til spillis þó eitthvað mistakist. Eins og til dæmis vefjur, þar sem hægt er að hafa margt mismunandi í boði til að skella í þær.
Áttu til popp? Jafnvel frá kvöldinu áður? Settu það í matvinnsluvélina og eitthvað annað skemmtilegt með. Kiwi? Avocado? Eitthvað sem þú myndir ekki venjulega setja saman. Smakkast það ekki nógu vel? Taktu eitthvað annað handahófskennt og bættu út í. Einhver skemmtileg krydd. Endurtaktu þangað til þetta smakkast annaðhvort óhóflega vel, eða ásættanlega. Ef þetta smakkast óhóflega vel, til hamingju, þú ert komin/n með nýja uppskrift. Smakkast þetta ásættanlega? Vel gert, þú getur sett þetta á listann þinn fyrir áframhaldandi tilraunastarfsemi. Óætt? Þá væri best að strika þessa áhugaverðu samblöndu hráefna af listanum þínum. Það skemmtilegasta er, að svona réttir bragðast sjaldnast nákvæmlega eins þegar maður reynir að endurskapa þá síðar.“
Réttur I
Grænmetissúpa
Þessi súpa breytir um lit eftir því hvaða grænmeti er til í ísskápnum hverju sinni og í hvaða hlutföllum það er, en bragðið er þó oftast á svipuðum nótum. Það má nota blöndu af fersku og frosnu grænmeti.
1 dós kókosmjólk
2-3 bollar grænmetiskraftur
2-3 msk kókosolía
Eftirfarandi grænmeti endar oftast í súpunni: Laukur, hvítlaukur, sæt kartafla, gulrófa, spínat, gulrætur.
Stöku sinnum: Grænkál, blómkál, brokkolí, sellerý, kartöflur.
Aðferð:
Skerið grænmetið fremur gróft og steikið í kókosolíunni við miðlungshita. Þegar það er farið að mýkjast er kókosmjólkinni hrært út í. Grænmetisteningarnir eru leystir upp í heitu vatni og bætt saman við. Ef frosið grænmeti er notað, þá er því einnig bætt út í og súpan síðan látin malla við vægan hita í a.m.k. 20 mínútur, eða þar til grænmetið er orðið mjög mjúkt. Súpunni er skellt í blandara eða matvinnsluvél og maukuð í örfáar sekúndur, eða eftir smekk. Ef súpan þykir of þykk, þá má bæta vatni út í.
Eftirréttur
Döðlukaka
Þessa uppskrift rákumst við á upprunalega á síðunni www.nordicfoodliving.com og heppnast hún alltaf svo vel að hér er hún í nánast óbreyttri mynd. Í kökunni er hvorki viðbættur sykur né hveiti (þó flestir sem hafa smakkað hana eigi erfitt með að trúa því).
100 g dökkt súkkulaði
150 g döðlur
200 g hnetur/möndlur (t.d. cashew hnetur, heslihnetur og möndlur)
2 bananar
2 egg
1 tsk lyftiduft
1/4 tsk salt
1 tsk vanilluduft (má sleppa)
Aðferð:
Saxið súkkulaðið og 50 g af hnetunum. Malið restina af hnetunum í matvinnsluvél þar til blandan er orðin að mjöli. Hrærið mjölinu saman við saxaða súkkulaðið og hneturnar í stórri skál. Blandið lyftidufti og salti saman við. Setjið banana, döðlur, egg og vanillu (ef notuð) í matvinnsluvél og blandið þar til áferðin er orðin mjúk og allt vel blandað saman. Setjið blönduna út í stóru skálina og hrærið öllu vel saman. Bakað í 20-25 cm hringlaga formi (eða eldföstu móti) við 180°C í u.þ.b. 25 mínútur.
Berið kökuna fram volga með þeyttum rjóma eða ís. Kakan er einnig góð köld.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.