Varð heilluð af því að tengja saman ljósmynda- og listasögu bæjarins
Andrea Weber er frönsk-þýsk listakona sem býr í París. Hún hefur vanið komur sínar til Íslands frá árinu 2009 og líkt og margir listamenn tekið ástfóstri við Skagaströnd og nærsveitir. Nýverið gaf hún út tímaritið Skagaströnd Review sem er afrakstur rannsóknar- og þróunarverkefnis þar sem hún tengir saman ljósmynda- og listasögu bæjarins. Feykir fékk að heyra meira um útgáfu þessa sérstæða rits.
„Sem ljósmyndari var ég heilluð af því að tengja saman þessi tvö listform sem sprottin eru frá Skagaströnd, annars vegar ljósmyndasöguna og hins vegar þá list sem hefur orðið til hjá listamönnum Nes listamiðstöðvar, frá því hún var sett á stofn árið 2008, og er innblásin af umhverfi bæjarins,“ útskýrir Andrea.
Tímaritið kom síðan út í byrjun mars, það telur 92 blaðsíður og er A4 að stærð og var prentað í 400 eintökum í Svansprent í Reykjavík. Að sögn Andreu er hægt að nálgast Skagaströnd Review í Samkaup á Skagaströnd, einnig segir Andrea að hægt verði að fá tímaritið í Skagfirðingabúð á Sauðárkróki, Mengi galleríi í Reykjavík, Þjóðminjasafni Íslands, Ljósmyndarasafni Íslands, mögulega í Hafnarhúsinu og í Flóru á Akureyri.
Andrea hélt útgáfuhóf Skagaströnd Review á Skagaströnd þann 3. mars sl. Þá bauðst íbúum bæjarins að koma og skoða tímaritið. „Viðbrögðin voru mjög jákvæð og það var ánægjulegt að heyra skoðanir fólks á verkum mínum,“ segir Andrea.
Andrea segir nánar frá Skagaströnd Review í Feyki vikunnar.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.