Stórsýningin „Árið er...lögin sem lifa“ í Sæluviku
Sýningin „Árið er… lögin sem lifa“ verður haldin í íþróttahúsinu á Sauðárkróki í Sæluviku, föstudaginn 29. apríl. Þar verður íslensk dægurlagasaga flutt í tali og tónum af landsþekktum söngvurum í bland við upprennandi stjörnur. Fram koma meðal annarra Magni Ásgeirsson, Sigríður Thorlacius, Sigríður Beinteinsdóttir og fjöldi skagfirskra söngvara.
Að sýningunni standa meðal annars Adam Smári Hermannsson, Áskell Heiðar Ásgeirsson hjá Viðburðarríkt hf., Magni Ásgeirsson, Magnús Þór Jónsson og mennirnir á bak við Edduverðlaunaþættina „Árið er…“ sem slegið hafa í gegn í útvarpi og sjónvarpi, þeir Gunnlaugur Jónsson og Ásgeir Eyþórsson. Framkvæmdastjóri sýningarinnar er Sigurlaug Vordís Eysteinsdóttir.
Að sögn Sigurlaugar Vordísar og Áskels Heiðars verður sýningin í anda hinna margverðlaunuðu „Árið er“ heimildarþátta í útvarpi og sjónvarpi þar sem við kynnumst sögunum á bakvið lögin. Sjáum hvernig hægt er að setja sum þeirra í nýjan búning en fyrst og fremst verður sungið, dansað og skemmt sér með lögunum sem þjóðin hefur lært að elska og gert að sínum.
„Þetta verður 20 laga show og verður kannski pínu eins og að vera staddur inni í sjónvarpsþætti á tímabili en svo kemur lifandi tónlist á sviðinu,“ sagði Áskell Heiðar þegar þau Sigurlaug settust niður með blaðamanni í gær.
„Þetta er ótrúlega skemmtilegt concept. Ég held að þetta verði bæði flott show en líka bara skemmtilegt að vera þarna. Það koma allir saman og eru í nostalgíunni og dansa svo af sér rassinn þegar showið er búið,“ bætir Sigurlaug Vordís við.
Þau hvetja hópa til að fjölmenna og hafa gaman saman og segjast opin fyrir því að gefa hópafslætti t.d. fyrir saumaklúbba, vinnustaði, árganga og fleiri. Þó miðasala sé ekki formlega hafin þá er hægt að hafa samband hafa samband við Sigurlaugu Vordísi vegna þessa og sömuleiðis ef einhverjir vilja panta borð.
Nánar verður fjallað um stórsýninguna í Feyki í næstu viku.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.