Róbert Daníel er maður ársins 2015 í A-Hún
Lesendur Húnahornsins hafa valið Róbert Daníel Jónsson, forstöðumann í Íþróttamiðstöðinni á Blönduósi, sem mann ársins í Austur-Húnavatnssýslu árið 2015. Róbert Daníel hefur verið iðinn við að taka myndir af húnvetnskri náttúru og húnvetnsku mannlífi og deilt þeim á veraldarvefinn. Myndirnar hans hafa vakið athygli margra á fegurð svæðisins og áhugaverðum stöðum í sýslunni. Tilkynnt var um valið á þorrablóti Vökukvenna sem haldið var í Félagsheimilinu á Blönduósi sl. laugardagskvöld.
Á vef Húnahornsins segir að frábær þátttaka hafi verið í valinu að þessu sinni en Róbert Daníel tók við viðurkenningarskildi frá fulltrúa Húnahornsins á þorrablóti Vökukvenna.
Í innsendum tilnefningum frá lesendum má meðal annars lesa þetta um Róbert Daníel:
„Hann er að gera svo frábæra hluti fyrir bæinn okkar, myndirnar hans frábærar og alltaf er hann glaðlegur og jákvæður.“
„Hann sér endalausa fegurð í Húnavatnssýslu og deilir með okkur hinum, jafnt á vetri sem á sumri. Við sem sjáum myndirnar hans opnum augun fyrir okkar fallega stað og fyllumst þakklæti og stolti.“
„Hann hefur fært og frætt okkur í héraði svo mikið um náttúruna og fegurðina sem við höfum hér allt í kringum okkur í máli mjög svo fallegra mynda.“
„Hefur unnið ötullega að því að koma okkar svæði á kortið með jákvæðu viðhorfi og flottum myndum sem birtar eru á veraldarvefnum.“
„Með fallegum ljósmyndum sínum af Blönduósi og nágrenni hefur Róbert Daníel glatt marga, bæði þá sem búa á svæðinu en ekki síður brottflutta fyrrum íbúa þess. Myndirnar hans hafa vakið athygli margra á fegurð svæðisins og áhugaverðum stöðum í sýslunni. Myndirnar hafa hlotið verðskuldaða athygli og má leiða að því líkum að með myndum sínum hafi Róbert Daníel stuðlað að meiri hagsæld á svæðinu með því að laða að margan ferðamanninn.“
Þetta er í ellefta sinn sem lesendur Húnahornsins velja manni ársins í Austur-Húnavatnssýslu. Greint er frá þessu á huni.is.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.