Meira en 40 viðburðir í boði á Eldi í Húnaþingi
Hátíðin Eldur í Húnaþingi verður sett á morgun, fimmtudaginn 25. júlí, og kennir þar margra grasa eins og endranær en þetta er í 17. sinn sem hátíðin er haldin. Hún stendur til sunnudags og rekur hver viðburðurinn annan á dagskránni sem er stútfull af spennandi atriðum.
Á heimasíðu Eldsins segir m.a. um hátíðina: „Hún er tónlistar- og listahátíð, fimm daga samkoma sem býður upp á fjölda tónleika, leikja og sýninga sem sýna fremstu fulltrúa í tónlist, dansi, gamanleik, kvikmyndum, fjölleikahúsi, götulistum og fjölskylduskemmtunum á Íslandi og erlendis.“
Eins og áður segir hefst hátíðin þann 25. júlí. Allan þann dag verða ýmiss konar viðburðir í boði víðsvegar um Hvammstanga fyrir fólk á öllum aldri. Opnunarhátíðin sjálf hefst svo klukkan 18:00 við Félagsheimilið á Hvammstanga þar sem m.a. verður boðið upp á gómsæta heimalagaða súpu, leiki, listsýningar og ýmsa óvænta viðburði. Táningaball fyrir 13-17 ára verður haldið um kvöldið í Félagsheimilinu Ásbyrgi á Laugarbakka þar sem Clubdub leikur fyrir dansi og í Félagsheimilinu á Hvammstanga verður Melló Músika þar sem fram kemur tónlistarfólk úr heimahéraði og skapar huggulega stemningu með flutningi á ljúfum tónum. Að því loknu taka við tónleikar með sveitinni BeeBee and the Bluebirds.
Engin leið er að telja hér upp alla þá fjölmörgu viðburði sem eru á dagskrá hátíðarinnar en þeir munu vera rúmlega 40 talsins og er ókeypis inn á 33 þeirra. Svo örfáir séu taldir má nefna raftónlistarsmiðju á fimmtudegi, brúðuleiksýningu frá pólsku brúðuleikhúsi fyrir yngstu kynslóðina og heimsmeistaramót í Kleppara á föstudegi, kraftakeppnina Eldraunina og fjölskyldudag með fjölbreyttri skemmtun á laugardegi og timburmannadögurð á sunnudegi. Stærstu tónlistarviðburðirnir eru árvissir tónleikar í Borgarvirki sem haldnir verða á föstudagskvöld. Að þessu sinni koma þar fram tónlistarmennirnir Högni sem flestir Íslendingar þekkja og hin lettneska Díana Sus sem er söngkona, hljóðfæraleikari og lagahöfundur en hún hefur stundað nám í skapandi tónlist við tónlistaskólann á Akureyri. Ljótu hálfvitarnir spila seinna sama kvöld í Félagsheimilinu á Hvammstanga og á laugardag verður þar fjölskylduball með Páli Óskari en þar verður einnig Pallaball fyrir 16 ára og eldri um kvöldið.
Á laugardaginn milli klukkan 16 og 17 verður hin upprennandi hljómsveit Ateria með tónleika við varðeld og kakó í Kirkjuhvammi en hljómsveitin, sem er skipuð ungu fólki sem á ættir að rekja í Miðfjörðinn, vann Músíktilraunir í mars 2018.
Lokaatriði hátíðarinnar í ár verður söngkonan Soffía Björg sem heldur notalega tónleika í Ásbyrgi.
Dagskrá hátíðarinnar í heild má nálgast á Facebooksíðu hátíðarinnar, Eldur í Húnaþingi/viðburðir og einnig hér.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.