Karólína í Hvammshlíð valin maður ársins í Austur-Húnavatnssýslu
Húnahornið stóð fyrir vali á manni ársins í Austur-Húnavatnssýslu nú um áramótin og var þetta í sautjánda sinn sem netmiðillinn góði stendur fyrir þessu vali. Úrslitin á manni ársins 2021 voru tilkynnt í dag og koma sennilega ekki verulega á óvart því Karólína Elísabetardóttir athafnakona og bóndi í Hvammshlíð í Skagabyggð hefur heldur betur vakið verðskuldaða athygli vegna riðurannsókna.
Í fréttinni á Húnahorninu segir: Undir forystu [Karólínu] var síðastliðið vor hafin leit að erlendum rannsóknum sem sýna fram á lausnir gegn riðuveiki. Í kjölfarið var rannsóknarhópur stofnaður sem fann svo nýverið verndandi arfgen gegn riðu.
Á síðasta ári leiddi Karólína saman vísindafólk frá ýmsum löndum í þeirri viðleitni sinni að færa riðurannsóknir hér á landi til nútímans og um leið á sömu braut og gert hefur verið í öðrum löndum um langt skeið. Markmiðið var að leita að genum í íslenskum kindum sem reynst gætu verndandi gagnvart riðusmiti. Nýverið fann rannsóknarhópurinn verndandi arfgen gegn riðu í sex kindum á sveitabæ í Reyðarfirði. Tíðindin þykja stórmerkileg og marka tímamót í baráttunni við að útrýma riðuveiki á Íslandi. Næsta skerf er að fara af stað í ræktunarstarfi til að koma þessari verndandi arfgerð sem hraðast inn í íslenska stofninn án þess að draga um of úr erfðafjölbreytileika hans.
Lesendur Húnahornsins hafa greinilega fylgst vel með Karólínu og hennar frumkvöðlastarfi. Hún hefur einnig gefið út dagatöl sem vakið hafa mikla athygli og það nýjasta sem hún er að sýsla við er framleiðsla osta sem hún hefur gefið heitið Hvammshlíðarostar. Karólína í Hvammshlíð býr á mörkum tveggja sýslna, Austur-Húnavatnssýslu og Skagafjarðarsýslu, á þeim slóðum sem vegurinn yfir Þverárfjall liggur hæst. Hún er þýsk að uppruna en settist að á Íslandi fyrir margt löngu.“
Segir síðan í fréttinni að öllum sem sendu inn tilnefningar í valinu sé þakkað fyrir að taka þátt. Fjölmargir fengu tilnefningar en Karólína fékk þó langflestar. Jafnir í öðru og þriðja sæti í valinu voru Jóhannes Torfason, framkvæmdastjóri Ámundakinnar, og Jón Aðalsteinn Sæbjörnsson, formaður sóknarnefndar Blönduóskirkju, og í fjórða sæti var Valdimar Guðmannsson, sem kosinn var maður ársins 2020.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.