Höfðingleg gjöf frá hjónunum á Tannstaðabakka
Á mánudaginn var Tónlistarskóla Húnaþings vestra afhent vegleg peningagjöf frá þeim hjónum Skúla Einarssyni og Ólöfu Ólafsdóttur á Tannstaðabakka. Fjárhæðin nam 404.000 kr. og er afrakstur söfnunar í sameiginlegri 120 ára afmælisveislu hjónanna sem haldin var í október.
Skúli og Ólöf höfðu afþakkað afmælisgjafir og bent fólki á að á staðnum yrði baukur til styrktar tónlistarskólanum, fyrir þá sem það vildu. Baukurinn var í formi mjólkurbrúsa og voru veislugestir duglegir að lauma í hann styrktarfé, eins og sagt er frá á vefnum Norðanátt.
Við afhendinguna, sem fór fram í húsnæði tónlistarskólans, söng Skúli tvö lög, en hann er einmitt nemandi við tónlistarskólann. Hann naut liðsinnis Daníels Geirs Sigurðssonar, Elínborgar Sigurgeirsdóttur og Guðmundar Hólmars Jónssonar við undirleik.
Haft er eftir Skúla á Norðanátt að fjárhæðin sem safnaðist hafi orðið mun hærri en þau höfðu búist við, en þau hafi í raun rennt blint í sjóinn með það hvort veislugestir myndu lauma smáræði í brúsann eður ei. Hann sagði starfið í tónlistarskólanum skipta verulegu máli fyrir svæðið hér og gera lífið eftirsóknarvert. Skólinn sé skipaður fjölbreyttu og einvala liði kennara sem sé að skila góðum árangri fyrir samfélagið og ávinningi í víðum skilningi. Þá sagði hann áríðandi að huga að húsnæðismálum skólans til framtíðar.
Unnur Valborg Hilmarsdóttir, oddviti sveitarstjórnar Húnaþings vestra, sagði gjöfina virðingarverða og þakkaði vel fyrir. Hún sagði jafnframt að einn mesti styrkur sveitarfélagsins væri það hversu þétt staðið væri á bakvið tónlistarskólann og hversu duglegir sveitungarnir eru að hjálpast að við að hlúa vel að málum sem skipta máli. Þá þakkaði Elínborg Sigurgeirsdóttir, skólastjóri, fyrir sig og hlýhug til tónlistarskólans, segir loks í frétt á Norðanátt.
Þess má geta að opnuviðtal við Skúla og Ólöfu birtist í Feyki fyrr í þessum mánuði.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.