Heimir á Hofsósi á morgun - Myndband
Karlakórinn Heimir í Skagafirði mætir í Höfðaborg á Hofsósi á morgun, 11. mars með fjölbreytta efnisskrá að vanda. Boðið verður upp á einsöng, tvísöng og kvartett auk hefðbundins kórsöngs. Einsöngvarar eru þrír, Birgir Björnsson, Óskar Pétursson og Þóra Einarsdóttir.
Óskar Pétursson þarf vart að kynna fyrir Skagfirðingum, fæddur og uppalinn í Álftagerði, einn Álftagerðisbræðra og hefur um langt skeið glatt áheyrendur um land allt með söng og líflegri framkomu.
Þóra Einarsdóttir hefur látið að sér kveða með Íslensku óperunni auk þess sem hún hefur m.a. sungið hlutverk í ENO, Opera North, Opera Factory London, Wiesbaden, Mannheim, Nürnberg, Darmstadt, Berlín, Basel, Salzburg, Bologna, Malmö og Lausanne.
Birgir Björnsson kemur frá Akureyri, er af Mannskaðaætt út að austan. Hann syngur alla jafna með kórnum og sækir æfingar frá Akureyri.
Að sögn Gísla Árnasonar, formanns Heimis, eru þeir fjórir sem láta sig hafa það að sækja æfingar vestur yfir Öxnadalsheiðina en auk Birgis eru það Kristján Stefánsson, kenndur við Gilhaga og tveir ungir kórmenn sem stunda nám á Akureyri, þeir Gísli Höskuldsson og Gunnar Þórarinsson.
Stjórnandi kórsins er sem fyrr, Stefán R. Gíslason og undirleikari Thomas R. Higgersson.
Tónleikarnir hefjast klukkan 20:30 og verða miðar seldir við innganginn.
Hér fyrir neðan má sjá skemmtilega uppákomu, sem birt er á fésbókarsíðu kórsins, frá æfingu er þeir Pétur Pétursson og Birgir Björnsson syngja tvísöng í "Ætti ég hörpu". Hver veit nema þetta hljómi á hofsósi annað kvöld.
Hér er skemmtileg uppákoma frá æfingu. Pétur Pétursson og Birgir Björnsson syngja tvísöng í " Ætti ég hörpu". Hver veit nema þetta hljómi á Hofsósi annað kvöld?
Posted by Karlakórinn Heimir on 10. mars 2017
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.