Háskólalestin á Blönduósi um hvítasunnuhelgina
Háskólalestin nemur staðar á Blönduósi dagana 13. og 14 maí með fjölbreytta dagskrá, bæði fyrir nemendur í eldri bekkjum grunnskóla á svæðinu og alla fjölskylduna í veglegri vísindaveislu í Félagsheimili Blönduóss.
Föstudaginn 13. maí munu starfsmenn Háskólalestarinnar, sem eru nemendur og kennarar við Háskóla Íslands, taka að sér kennslu í eldri bekkjum Blönduskóla og bjóða upp á fjölbreytt námskeið úr Háskóla unga fólksins. Námskeiðin sækja einnig nemendur úr Höfðaskóla á Skagaströnd og Húnavallaskóla. Samtals munu því um 150 nemendur sækja námskeið í greinum eins og blaða- og fréttamennsku, eðlisfræði og efnafræði, vindmyllusmíði og vísindaheimspeki, japönsku og jarðfræði, stjörnufræði og smíði kappakstursbíls auk leiks að hljóði.
Daginn eftir, laugardaginn 14. maí, er svo komið að vísindaveislu í Félagsheimili Blönduóss en hún er opin heimamönnum og nærsveitungum á öllum aldri. Þar verður hægt að prófa alls kyns þrautir, tilraunir og tæki, ferðast um himingeiminn í stjörnutjaldi, kynna sér fjölbreyttar steintegundir og undraheima Japans og fylgjast með efnafræðisýningu Sprengju-Kötu svo eitthvað sé nefnt. Ókeypis aðgangur og allir velkomnir.
Háskólalestin hóf yfirreið sína um Vestur- og Norðvesturland um síðustu helgi þegar hún heimsótti Búðardal með dúndrandi fjör og fræði. Alls hefur lestin heimsótt hátt í 30 staði frá árinu 2011 þegar hún lagði upp í sína fyrstu ferð og hefur henni verið tekið með kostum og kynjum á öllum áfangastöðum.
Hægt er að fylgjast með Háskólalestinni á vefsíðu verkefnisins og fésbókarsíðu.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.