Hamborgarar rjúka út á Hard Wok til styrktar Ívari Elí og fjölskyldu
Það er allt á fullu á veitingastaðnum Hard Wok á Sauðárkróki um þessar mundir við að afgreiða hamborgarapantanir til styrktar Ívari Elí Sigurjónssonar, fimm ára Króksara sem glímir við flogaveiki. „Pantanir eru að hrannast inn og við erum að afgreiða 40 hamborgara núna í hádeginu, sem ýmist verður sent eða sótt,“ sagði Árni Björn Björnsson eignandi veitingastaðarins í samtali við Feyki.
Hugmyndin kviknaði í tilefni þess að veitingastaðurinn á fimm ára afmæli þann 1. maí og í stað þess að halda veislu var ákveðið að fagna tímamótunum með því að láta gott af veitingastaðnum leiða.
„Þegar við heyrðum af þessum fimm ára gutta úr bænum okkar sem þarf að fara alla leið til Boston til rannsókna á veikindum sem gert hafa lækna hér á landi ráðþrota, ákváðum við að leggja honum og fjölskyldu hans lið með ykkar hjálp. Við settum auglýsingu á Facebook síðastliðinn fimmtudag og ég hef aldrei séð jafn góð viðbrögð. 16 þúsund hafa séð auglýsinguna og rúmlega 200 deilt henni,“ segir Árni hæstánægður með viðtökurnar.
Upphaflega vonaðist Árni til að selja um 200 hamborgara til styrktar Ívars Elí og fjölskyldu en þegar Árni sá þau feiknagóðu viðbrögð sem urðu við auglýsingunni hafði hann samband við birgja staðarins og það stóð ekki á þeim. Nú vonast hann til þess að selja að minnsta kosti helmingi fleiri borgara. „Þeir vildu gera allt sem þeir gátu til að leggja málstaðnum lið og taka þátt. Til dæmis ætlar Eggert Kristjánsson ehf., sem nýverið var keypt af Íslensk-Ameríska, að gefa fimm kassa af frönskum.“ Þá hafa einnig vinir og vandamen fjölskyldu Ívars Elí boðið fram aðstoð sína við afgreiðslu á veitingastaðnum svo allar pantanir gangi sem greiðlegast. „Ég varð fyrst stoltur Skagfirðingur en nú er ég stoltur Íslendingur.“
Einungis verða hamborgarar afgreiddir á staðnum í dag og mun allur ágóðinn renna óskiptur í ferðasjóð fjölskyldu Ívars Elí. „Boðið er upp á Hamborgara með frönskum, kokteilsósu og gosi með ís í eftirrétt á kr. 2500. Nú bind ég miklar vonir við, að alla vega 400 skammtar verði seldir og ætlum við að vera með opið frá 11:00 til 21:30 svo sem flestir geti komið. Við vonum að sem flestir mæti og fái sér hamborgara og leggi góðu málefni lið í leiðinni,“ segir Árni að lokum.
Þeir sem ekki komast en langar að styðja við þau geta lagt inn á reikning 0310-13-133429 kt. 280176-5249
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.