Fyrstu tvö bindi Dalalífs endurútgefin hjá Forlaginu
Fyrstu tvö bindi Dalalífs hafa nú verðið endurútgefin hjá Forlaginu, á 70 ára útgáfuafmæli skáldkonunnar. Er þetta í fjórða sinn sem þetta höfuðverk Guðrúnar kemur út. Fyrsta bindið skipar nú fjórða sætið a metsölulista Eymundsson en annað bindið sjötta sætið.
Eftirfarandi skrifar langömmubarn Guðrúnar, Marín Guðrún Hrafnsdóttir, á heimasíðu Forlagsins:
„Það hefur mér fundist skrýtnast, að um leið og þeim fækkar, sem þekkja þennan heim, sem ég skrifa um, þá hef ég spurnir af ungu fólki, sem nennir að lesa sögurnar mínar. Það finnst mér eiginlega meira virði, en þótt einhverjir stytti sér stundir við kerlingabókahjal og kaffibolla.“
Svo segir skáldkonan Guðrún frá Lundi í afmælisviðtali við Morgunblaðið árið 1971. Guðrún er þá 84 ára gömul og búin að senda frá sér 27 bindi skáldverka. Fyrsta bók hennar kom út þegar hún var 59 ára. Enginn þekkti höfundinn. Íbúar Sauðárkróks vissu ekki að hægláta feimna konan á Freyjugötunni sæti við skriftir og vinsældir hennar næstu árin komu öllum í opna skjöldu. Hún setti hvert sölu- og útlánsmetið á 6. og 7. áratugnum og var sá íslenski rithöfundur sem var mest lesinn.
Guðrún fæddist þann 3. júní 1887 og ólst upp í hópi ellefu systkina. Á heimilinu var ágætur bókakostur sem vafalítið hefur vegið uppá móti stuttri skólagöngu. Hún byrjaði að skrifa sögur strax um fermingu en brenndi öll skrif sín þegar hún gifti sig. Hún hélt þó eftir nokkrum blöðum úr Dalalífi og sagði í viðtölum að sú saga hefði lifað með sér lengi. Guðrún og maður hennar, Jón Þorfinnsson, stunduðu búskap til 1939 en fluttu þá til Sauðárkróks. Þar gafst Guðrúnu loks tími til að skrifa.
Guðrún og Jón eignuðust þrjú börn. Guðrún lést árið 1975, 88 ára gömul og var jarðsett í Sauðárkrókskirkjugarði.
Fyrsta bindi Dalalífs, Æskuleikir og ástir, hefst á þessum orðum: „Engum sem farið hefur um Hrútadal dylst það að hann er með fegurstu sveitum landsins.“ Þannig hefst Dalalíf, stórvirki Guðrúnar Árnadóttur frá Lundi. Hreppstjórinn Jakob Jónsson býr á stórbýlinu Nautaflötum í Hrútadal, ókvæntur og barnlaus. Á miðjum aldri sækir hann sér óvænt brúði í næsta hérað, Lísibetu Helgadóttur. Jón, sonur þeirra, verður sjálfskipaður foringi barnanna af næstu bæjum og þegar þau vaxa úr grasi álítur leiksystirin Þóra í Hvammi sig heitbundna honum. En Lísibet hefur annað konuefni í huga handa syni sínum.
-
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.