Fjallavatnið rétt feðrað
Króksarinn og garðyrkjufræðingurinn góðkunni Steinn Kárason samdi Fjallavatnið, lag og ljóð sem um langt árabil hefur verið baráttusöngur knattspyrnudeildar Tindastóls og notið hefur vinsælda meðal garðyrkjufræðinga. Þetta kom fram hjá Steini í spjalli í morgunkaffi í Bakaríi Sauðárkróks.
Nokkrir fastagestir sátu við spjall yfir rjúkandi kaffibolla laugardaginn 10. október þegar Frímann Guðbrandsson skaut því inn í umræðurnar að Steinn, sem þarna sat væri maðurinn sem samdi Fjallavatnið. Þetta voru nýjar upplýsingar fyrir suma kaffigesti s.s. Ómar Braga Stefánsson og Maríu Björk Ingvadóttur, en meðal annarra kaffigesta voru Aadnegard bræðurnir Knútur og Sigurður, Bjössi á Stöðinni, Frímann og eiginkonur þeirra.
Um tilurð lags og texta urðu fjörugar umræður. Lagið samdi Steinn á heimili foreldra sinna Kára Steinssonar og Distu á Hólavegi 23, líklega haustið 1970, frekar en vorið 1971, en þá var höfundurinn 16 ára. „Á þessum tíma samdi ég fjölda laga,“ segir Steinn, meðal annars jólasálminn Helga himneska stjarna.
„Fjallavatnið, bæði lag og ljóð urðu til samtímis á mjög stuttum tíma. Þegar lag og ljóð var fullgert hjá mér kom í heimsókn til mín æskufélaginn, Nonni, - Jón sonur Bjössa rafvirkja og Rúnu. Við félagarnir sungum lagið vandlega til,“ segir Steinn, „ég með minni alkunnu englarödd og Jón með sinni sérstöku rödd sem gaf laginu einstakan unaðs og gleðiblæ“.
Fjallavatnið hefur náð miklu flugi og hefur ævinlega verið sungið með miklum gleðibrag, aldrei sérlega hátíðlega. Knattspyrnukappar í Tindastól hófu lagið í öndvegi sem sinn baráttusöng, reyndar bjagað og rangt hefur verið farið með ljóðið. Fjallavatnið varð feykivinsælt meðal garðyrkjufræðinga á Garðyrkjuskólanum og er sungið við mikinn fögnuð þegar tækifæri gefst í þeirra hópi. Fjallavatnið er oftast sungið tvisvar til fjórum sinnum í röð en stundum í hálftíma eða lengur eftir atvikum.
Í lokin stóð Steinn svo upp og söng við fögnuð viðstaddra, stutta útgáfu af hinu margrómaða Fjallavatni. Lagið er því hér með rétt feðrað og þeim misskilningi eytt að einhver annar en hinn góðkunni Steinn Kárason hafi samið Fjallavatnið.
Hér er upptaka Maríu Bjarkar Ingvadóttur af Fjallavatninu í Sauðárkróksbakaríi á laugardaginn.
Hér má heyra Fjallavatnið sungið af Bjargráðabandinu.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.