Allsstaðar eru þessir Skagfirðingar
Það er mikill gauragangur á heimasíðu Skagfirðingafélagsins í Reykjavík og er það að sjálfsögðu vel. Fréttaritari síðunnar fylgir sínu fólki eftir og er duglegur við að beintengja ættir flestra þeirra sem skara fram úr á heimsvísu heim í Skagafjörð. Þannig hefur bara í þessari viku verið bent á að íslenska stjarnan í Poldark-þáttunum og verðlaunahafi Norðurlandaráðs eru Skagfirðingar og ekki alls fyrir löngu var sparkhetjan Gylfi Sigurðsson tengd í Óslandshlíðina.
Íslenska leikkonan Heiða Rún Sigurðardóttir á rætur sínar að rekja til Skagafjarðar, nánar tiltekið austanvatna, í föðurætt. Heiða er barnabarn Marteins Friðrikssonar, sem lengi var framkvæmdastjóri Fiskiðjunnar, og Ragnheiðar J. Bjarman.
Um kvikmyndagerðarmanninn Dag Kára Pétursson, sem fékk verðlaun Norðurlandaráðs fyrir myndina Fúsi, segir á síðunni: Dagur Kári Pétursson ... er í móðurætt frá Ketu á Skaga. Afi hans, Ragnar Ármann Magnússon, fæddist á Ketu árið 1917 en bjó lengstum í Reykjavík og starfaði þar sem endurskoðandi. Langafi Dags Kára, Magnús Árnason á Ketu, var bróðir Guðrúnar frá Lundi.
Þá segir á síðu Skagfirðingafélgasins að besti maður Íslands í undankeppni EM, Gylfi Þór Sigurðsson, tengist Skagafirði traustum böndum. Afi hans í móðurætt, Ólafur Gíslason, ólst upp á Undhóli í Óslandshlíð og var afreksmaður í íþróttum á yngri árum. Áður hafði verið gerð frétt þess efnis að þrír Skagfirðingar gætu verið á leið til Frakklands með þeim Lars og Heimi, þeir Kári Árnason, Hólmar Eyjólfsson og Rúnar Már Sigurjónsson.
Það er meistari Björn Jóhann Björnsson sem er fréttaritari síðunnar og er fundvís á snotra skagfirska fleti. Sömuleiðis er eðalfólk í stjórn Skagfirðingafélagsins í Reykjavík; formaður er Auður Sigríður Hreinsdóttir (Lúlla), ritari er Hulda Jónasdóttir, gjaldkeri Valgerður Friðriksdóttir og meðstjórnendur eru Valgerður Erlingsdóttir og Ágúst Kárason. Til vara eru síðan þau Sigríður Sigurlína Pálsdóttir (Silla Páls), Freyja Ólafsdóttir og Rúnar Birgir Gíslason.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.