„Þetta er búinn að vera erfiður dagur“
Það hefur verið í nógu að snúast hjá Björgunarsveitinni Gretti á Hofsósi í dag. Sautján útköll hafa verið skráð hjá sveitinni og stóðu aðgerðir í um tíu klukkustundir. „Þetta er búinn að vera erfiður dagur,“ segir Ingvar Daði Jóhannsson, ritari Björgunarsveitarinnar Grettis.
„Við höfum sinnt sautján verkefnum sem skráð voru í dag, auk margra smærri verka sem gengið var í áður en útköll bárust,“ sagði Ingvar Daði ennfremur, þegar Feykir sló á þráðinn til hans nú um kvöldmatarleytið.
Að sögn Elvars Más Jóhannssonar, formanns Björgunarsveitarinnar Grettis, virðist fólk hafa verið vel undirbúið fyrir veðrið og ekki hefði verið hægt að koma í veg fyrir það mikla foktjón sem orðið hefur. Veðurofsinn var gríðarlegur og til marks um það fuku 27 heyrúllur af hlaðinu á Hólkoti í Unadal og enduðu út í á. Er talið að vindhraðinn þar hafi farið upp í 60-70 m/sek þegar verst lét.
Útivistarbekkur með borði, sem stóð fyrir ofan Staðarbjargarvík, fauk af stað og splundraðist og fór hluti af honum í gegnum girðingu við sundlaugina og braut rúðu í sundlaugarbyggingunni. Hluti af honum lenti svo hinum megin við sundlaugina, þeim megin sem gatan liggur.
Þá fauk þak í hálfu lagi af íbúðarhúsi á Grund 2, járn, pappi og einangrun með þeim afleiðingum að þakið opnaðist. Um leið og tök voru á vegna veðurofsans var farið með segl til að minnka skaðann og gera þakið vatns- og vindhelt. Þá má geta þess að toppurinn af ísklefanum á frystihúsinu fór af í heilu lagi.
Elvar Már segir að á útkallslista hjá Gretti séu um 15 til 20 manns og hafi um tíu þeirra verið að störfum í dag í viðamiklum aðgerðum sem tóku um tíu klukkustundir.
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.