Nú er úti veður vont
Það hefur vart farið fram hjá neinum á Norðurlandi vestra, né heldur annars staðar á landinu, að vetur konungur hefur minnt hressilega á sig undanfarna daga. Um tíma var til að mynda ekki hundi út sigandi á Sauðárkróki, enda mældist vindhraðinn hátt í 40m/ sek á Bergstöðum og lögreglan bað fólk að vera ekki á ferðinni að nauðsynjalausu.
Lögreglan á Blönduósi hefur haft í nógu að snúa undanfarna daga, sem og björgunarsveitir á svæði 9, sem nær yfir báðar Húnavatnssýslurnar. Þegar Feykir hafði samband við lögregluna á Blönduósi í byrjun vikunnar höfðu verið hátt í tíu útköll vegna hálku og færðar þar sem björgunarsveitir voru fengnar til aðstoðar.
Engin slys höfðu þó orðið á fólki né meiriháttar skemmdir. Björgunarsveitarmenn hafa einnig aðstoðað vegna lokana á fjallvegum. Á meðfylgjandi mynd er verið að aðstoða bíl sem var utan vegar við Hnausa í Vatnsdal vegna hálku. Róbert Daníel Jónsson tók myndina.
Guðmundur Valtýsson á Eiríksstöðum í Svartárdal í Austur-Húnavatnssýslu sagði i samtali við Feyki í vikunni að hann myndi vart annað veður og snjóalög eins þau 40 ár sem hann hefði verið við búskap í dalnum. Allar girðingar væru á kafi og erfitt að halda hrossum í skefjum. Í verstu hryðjunum væri vart fært milli útihúsa og bæjar og þá hefðu ljósastaurar komið sér vel.
Skólahald hefur víða legið niðri í dag, viðburðum verið aflýst og sundlaugum og öðrum almenningsstöðum verið lokað á meðan versta veðrið gekk yfir. Á Húnavöllum var ansi mikill snjór þegar opnað var út í dag. Meðfylgjandi mynd er fengin af fésbókarsíðunni Sveitin okkar – Húnavatnshreppur.
Mynd: Fésbókarsíðan Sveitin okkar - Húnavatnshreppur/ Rannveig Bjarnadóttir.
Á Sauðárkróki hefur veðrinu heldur slotað, í bili að minnsta kosti. Myndirnar hér að neðan voru teknar þar um tvö leytið í dag, eftir að veðrið fór að ganga niður.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.