Leitin að lóunni bar ekki árangur
Blaðamanni Feykis barst það til eyrna að heyrst hafi í lóunni á Sauðárkróki á páskadagsmorgun en viðkomandi gat ekki staðfest það að hafa séð hana berum augum. Hugsandi um fréttir fyrr í vor er starranum var kennt um að herma eftir lóunni var ákveðið að leita að vorboðanum og reyna að ná á mynd.
Eini fuglinn sem var í garði blaðamanns var þröstur sem söng af mikilli list en þar hafa starrar verið allsráðandi mikinn hluta vetrarins. Ekki minnist blaðamaður þó að þeir hafi gefið frá sér dirrindíið fræga. Farið var um bæinn og upp á Nafir en oft sést lóan á golfvöllum Hlíðarenda að tína orma í gogginn á sér. Ekki var hún þar en nokkrir mávar voru á nærliggjandi túnum efalaust að ná sér í einhver skorkvikindi. Á hafnarsvæðinu var enga lóu að sjá en fuglalífið nokkuð fjölbreytt en þar sáust mávar, æðarkollur, hrafnar og tjaldur svo einhverjir séu nefndir. Tjaldurinn er mikill vorboði en segir ekki mikið svo hann er ekki oft nefndur þegar þeirra er leitað.
Ferðinni var heitið að Áshildarholtsvatni en þar er fuglalífið mikið þegar sumarið er komið og sérstakur fuglaskoðunarstaður fyrir forvitna. Ekki var hægt að komast að fuglaskoðunarspjaldinu þar sem stór og öflug hestakerra styður við hana en gerði líklega ekki til að þessu sinni þar sem lítið var um fugla á vatninu. Andarpar synti þó í fjarska og álftir í suðurenda þess. Skammt frá er hesthús veiðimannsins Guðmundar Sveinssonar og var líkt og rjúpurnar og gæsirnar væru að gera grín að honum þar sem þær hvítu kúrðu sig við hringgerðið en þær gráu vöppuðu um túnið hans.
Farinn var rúntur um sveitir, fram í Varmahlíð og út Blönduhlíð þar sem álftir, gæsir og helsingjar sáust víða á túnum og endur í skurðum. Í Viðvíkursveitinni sást smyrill sitjandi á bæjarskilti líkt og hann væri að segja til vegar. Ekki var þó farið niður að Kolkuósi heldur var hringnum lokað heim á Krók. Ekki varð blaðamaður var við lóuna í þessari ferð en aðrir vorboðar sem komnir eru boðnir velkomnir.
.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.