Landhelgisgæslan á Króknum - myndir
Ægir, varðskip Landhelgisgæslunnar, lagði að bryggju á Sauðárkróki rétt fyrir kl. 16 í dag og verður hér við höfn til kl. 20 í kvöld. Þá halda þeir út á fjörðinn þar sem stefnt er á að halda björgunaræfingu á sjó, ásamt þyrlu Landhelgisgæslunnar. Þegar blaðamaður Feykis spurði skipsmenn í hvaða erindagjörðum þeir væru þá svöruðu þeir: „Við erum að skutla stýrimanninum heim til konu sinnar og barna,“ sögðu þeir og hlógu en sá heitir Pálmi Jónsson og er fæddur og uppalinn á Króknum.
Blaðamaður Feykis fékk að líta inn í brúnna og hitti þar fyrir skipstjórann, Einar H. Valsson og sagði hann góðfúslega frá störfum gæslunnar og hvað þeir hafa fyrir stafni um þessar mundir.
„Það er komið svo langt síðan við komum hingað á Krókinn síðast að það var kominn tími til að koma hér við,“ segir Einar og bætir við að þeim finnst nauðsynlegt að reyna að koma sem oftast við í hinum ýmsu höfnum landsins til að sýna sig og sjá aðra og til að halda tengslum.
Ægir kom síðast á Sauðárkrók þegar skipið átti að flytja ísbjörninn, sem hingað kom á land árið 2009, til Grænlands en ekkert varð þó úr því. „Við erum í ýmsum verkum,“ segir Einar og brosir. „Ég man þegar ég var messadrengur á Tý og við vorum fengnir til að flytja rostung til Grænlands. Hann hafði flækst suður til Hollands og einhverjir náttúruverndarsinnar tóku sig saman og sendu hann með flugi til Keflavíkur og þaðan sigldum við með hann til Grænlands.“
Ægir í góðu standi
Ægir var smíðaður árið 1968 en síðan þá hefur brúin verið endurnýjuð, árið 2006, og stór hluti af herbergjum skipsins. „Margir hafa haft orð á því erlendis að þeir trúa vart að skipið sé frá 1968 þar sem það er í svo góðu standi, halda frekar að það sé frá árinu 1986,“ segir Einar og hlær. Nýja varðskipið Þór barst einnig til tals en það er um helmingi stærra en Ægir. „Það stendur til að sigla umhverfis landið og leyfa fólki að skoða nýja skipið sitt.“
Landhelgisgæslan hefur verið að taka að sér ýmsa verktakavinnu síðan árið 2010 sem Einar segir hafa verið nauðsynlegt til að auðvelda reksturinn á skipunum en hart hefur verið í ári eftir hrunið. Þá hafa þeir helst verið í landamæragæslu á sumrin, á milli Afríku og Evrópu, en sl. sumar voru þeir t.d. umhverfis Krít og komu þeir fjölmörgum flóttamönnum þar til bjargar.
Fjölbreyttar æfingar í Skagafirði
Í morgun voru kafarar landhelgisgæslunnar, sem starfa um borð í Ægi, við æfingar við Lundey. „Þeir voru að reyna að hafa upp á skipsflaki sem sökk við Lundey árið 1930 en það voru miklir straumar og hafðist það því ekki að þessu sinni,“ segir Einar.
Skipið heldur aftur út kl. 20 en þyrla landhelgisgæslunnar kemur á Alexandersflugvöll um kl. 19 og svo verða haldnar sameiginlegar björgunaræfingar á sjó. Þá fara fram sigæfingar en þar sem myrkur verður skollið á verða notaðar til þess nætursjónaaukar. Einar segir að slíkar æfingar séu haldnar reglulega, a.m.k. á 2-3 mánaða fresti, þar sem slík björgun er vandasöm og nauðsynlegt að halda kunnáttunni við.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.