Kappar KF kveðnir í kútinn
Tindastóll/Hvöt bar sigurorð af liði Knattspyrnufélags Fjallabyggðar í baráttuleik á Sauðárkróksvelli í kvöld. Gestirnir verða að teljast óheppnir að hafa tapað leiknum en sameinað lið Siglfirðinga og Ólafsfirðinga var sterkari aðilinn heilt yfir. Heimamenn gáfu engu að síður fá færi á sér og stálu síðan öllum stigunum í uppbótartíma og fögnuðu af krafti í leikslok. Lokatölur voru 2-1.
Leikurinn byrjaði fjörlega við algjörar toppaðstæður á Króknum, glampandi sól og ljúfan andvara. Lið KF byrjaði vel og var komið með forystu eftir fimm mínútna leik þegar góð fyrirgjöf frá Milos Glogovac hafnaði í marki heimamanna. Bæði lið hefðu getað skorað í kjölfarið, Tindastóll/Hvöt átti skot í stöng, en það var síðan Ingvi Hrannar sem fékk dæmda vítaspyrnu eftir að brotið var á honum í teignum. Gísli markvörður skokkaði yfir völlinn og skoraði af öryggi úr spyrnunni og staðan jöfn. Jafnræði var með liðunum fram að hléi.
Í síðari hálfleik hvessti talsvert og kólnaði þegar Skarðagolan lét á sér kræla. Heldur virtist golan hafa jákvæðari áhrif á gestina sem gekk mun betur að halda boltanum og voru sömuleiðis miklu grimmari á boltann. Þeim gekk hins vegar illa að skapa sér verulega góð færi og þá var Gísli góður í markinu og greip vel inní þegar á þurfti að halda. Og meðan staðan var 1-1 gátu bæði lið stolið stigunum og þó svo stuðningsmenn Stólanna/Hvatar hafi sennilega verið farnir að búast við að pressa gestanna ætti eftir að skila þeim marki þá fór það svo að í uppbótartíma gerðu heimamenn sigurmark leiksins. Eftir hornspyrnu datt boltinn fyrir fætur Milan Markovic sem hafði lætt sér inná fjærstöng og setti kappinn boltann af öryggi í mark KF og fagnaði síðan með ógurlegum spretti og glæsilegri dífu a la Klinsmann. Ekki náði lið KF að skapa sér almennilegt færi það sem eftir lifði leiks og því fögnuðu heimamenn sætum sigri.
Lið heimamanna átti ekki góðan leik í kvöld en vörnin stóð þó vel fyrir sínu sem og Gísli í markinu. Baráttan var til staðar og sigurinn sannarlega mikilvægur. Skemmtileg stemning var á vellinum í kvöld og hafa heimamenn eignast háværan hóp stuðningsmanna sem kváðu stuðningsmenn gestanna í kútinn með fagurlega ortum (eða þannig) vísum. Hélt söngurinn hita á léttklæddum stuðningsmönnum þegar Skarðagolan fór að segja til sín. Hér fyrir neðan má sjá nokkrar ágætar myndir frá leiknum og þá sérstaklega fagnaðarlátum í kjölfar sigurmarksins.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.