Horaða jólatréð vekur lukku
Bókin Horaða jólatréð eftir Magnús B. Jónsson, sveitarstjóra á Skagaströnd, er komin út. Af því tilefni heimsótti Magnús nemendur í 1. og 2. bekk Höfðaskóla sl. föstudag til að afhenda þeim bókina. Einnig fengu þau litla tálgaða eftirmynd af horaða trénu, sem Magnús gerði handa þeim, til að vera með þeim á litlu jólunum.
„Börnin lofuðu að vera mjög góð við tréð en þau hafa verið að vinna verkefni upp úr sögunni núna á aðventunni því sagan hefur verið til í skólanum í nokkur ár,“ sagði Magnús í samtali við Feyki. Þegar bókin og tréð höfðu verið afhent sungu börnin fallegt jólalag fyrir gestina og horaða jólatréð, öllum til mikillar ánægju.
Ritun sögunnar um Horaða tréð á sér skemmtilega forsögu en Magnús segir að hún sé í raun skrifuð sem tölvupóstur. Hugmyndin að sögunni á rætur sínar að rekja til þeirra atburðar þegar lítið og rýrt jólatré kom eitt sinn til Skagastrandar og þótti ekki nógu gott sem aðal jólatréð í bænum. Þá tóku nokkur börn sig til og söfnuðu þá undirskriftum til að bjarga því frá að vera hent en í bréfinu stóð: „Jólatré, jólatré. Við vorkennum litla horaða jólatrénu og viljum ekki láta henda því.“
Teikningar Reynis Braga Ragnarssonar prýða söguna um Horaða jólatréð.
Þegar Magnús kom heim eftir matarboð á jóladag árið 2007, varð honum hugsað til framtaks barnanna og einnig til bræðrasona sinna þriggja, sem eru búsettir í Kaliforníu í Bandaríkjunum. Þá settist hann niður við tölvuna og byrjaði að skrifa söguna um Horaða tréð, þremur tímum síðar var sagan klár og send í tölvupósti vestur um haf. Þar vakti sagan mikla lukku og féll í svo góðan jarðveg hjá einum þeirra, honum Reyni Braga Ragnarssyni, að hann ákvað að myndskreyta söguna. Einstaklega flottar teikningar Reynis, sem þá var einungis 11 ára gamall, prýða nú blaðsíður bókarinnar og gefa sögunni mikið líf og lit.
Skemmtilegu söguna um Horaða jólatréð má nálgast í Samkaup á Skagaströnd og á Blönduósi, í Skagfirðingabúð á Sauðárkróki, Eymundsson á Akureyri og í Eymundson Aðalstræti og Kringlunni í Reykjavík.
Að neðan má skoða myndir frá því þegar Magnús færði nemendunum Horaða jólatréð.
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.