Gengið á Ennishnjúk - Myndir
Um helgina var göngugarpurinn Þorsteinn Jakobsson, gjarnan nefndur Fjalla-Steini, á ferð um Norðurland vestra í þeim tilgangi að ljúka göngu sinni á íslensk bæjarfjöll. Um er að ræða verkefni sem hann hóf fyrr á þessu ári og ætlunin er að gefa út bók með myndum og umfjöllun um þessi fjöll, sem seld verður fyrir Styrktarfélag krabbameinssjúkra barna.
Gönguverkefnið með bæjarfjöllin hófst svo í vor og eru nú að baki einhverjir tugir fjalla. Að þessu sinni var gengið á Þrælsfell (Vatnsnesfjall) við Hvammstanga og Ennishnjúk við Hofsós. Blaðamaður Feykis tók meðfylgjandi myndir í blíðunni á föstudag, þegar Þorsteinn og ferðafélagar hans voru að leggja upp frá Enni í Unadal. Einhverjar þeirra eru líka teknar á Höfðaströnd og við Héraðsvötn.
Fyrr í sumar hafði Þorsteinn gengið að Tindastól við Sauðárkrók, Spákonufell við Skagaströnd og á eitt fjall við Blönduós. Hann segir að Vatnsdalsfjall fái líka að fljóta með í bókina, sem góð tenging milli svæðanna en þaðan er afar víðsýnt. En skildu allir bæir eiga sitt bæjarfjall? „Já það er alltaf hægt að finna eitthvað fjall sem einkennir hvern stað. Að vísu varð ágreiningur í bæjarstjórn Kópavogs um bæjarfjallið þar en ég vona að ég hafi ekki valdið vandræðum og ríg í bæjarfélögunum með þessu,“ segir Þorsteinn.
Með Þorsteini í för var Bragi Unnsteinsson auk þess sem Jóhanna Sveinbjörg Traustadóttir á Hofsósi slóst í för með þeim á Ennishnjúk og Kaldbak við Grenivík. Eftir þessa helgi á Norðurlandi á Þorsteinn aðeins fimm fjöll á Vestfjörðum eftir af þeim sem fjallað verður um í bókinni. Til stendur að gönguá þau ljúki í næstu viku. Áformað er að fjallað verði um rúmlega hundrað fjöll í bókinni og segist Þorsteinn ef til vill eiga eftir að bæta við aukafjöllum á einhverjum stöðum en hann gengur á fjöll allan ársins hring.
Eftir þetta verkefni tekur enginn lognmolla við hjá Þorsteini, því stefnan er sett á heimsálfutindana svokölluðu, í fylgd með pólfaranum Vilborgu Örnu Gissurardóttur. „Ég var nýbúinn að segja félaga mínum fyrir austan að ég ætlaði að fara að taka það rólega og ekki fara í fleiri stór gönguverkefni í bili þegar þetta kom upp,“ segir Þorsteinn brosandi.
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.