Gamla kirkjan á Blönduósi fær nýtt hlutverk
Menningarviðburður var haldinn í gömlu kirkjunni á Blönduósi sl. fimmtudagskvöld. Kirkjan var fullsetin og skapaðist þar afar sérstakt og notalegt andrúmsloft eins og fylgir gjarnan gömlum kirkjum.
Boðið var upp á fjölbreytta dagskrá en nokkrir rithöfundar búsettir á svæðinu kynntu og lásu uppúr bókum sínum sem þeir hafa gefið nýverið út. Jóhanna Kristín Atladóttir las úr bók sinni Í nýjum heimi og Birgitta Hrönn Halldórsdóttir og Ívar Snorri Halldórsson lásu úr smásagnaritinu Nokkur lauf að norðan II sem er gefin út af Töfrakonum. Þar var einnig Guðríður B. Helgadóttir frá Austurhlíð í Blöndudal komin til að lesa úr æviminningarbók sinni Þessi kona og Björn Líndal las nokkrar stuttar sögur úr Húnvetningasögu hinni nýju sem uppskar mikinn hlátur viðstaddra.
Á menningarkvöldinu var einnig kvikmyndasýning en sýnd var kvikmynd Sveins M. Sveinssonar From Nest to Duvet, sem fjallar um æðardúnsframleiðslu á Höfnum á Skaga. Þess á milli var boðið upp á fjölbreytt tónlistaratriði.
Í þágu menningar og lista
Gamla kirkjan var vígð árið 1895 en notkun hennar hætt við vígslu nýrrar kirkju á Blönduósi árið 1993. Kirkjan stóð auð um árabil fram til ársins 2007 að sóknarnefndin afhenti þeim Sveini M. Sveinssyni kvikmyndagerðamanni og Atla Arasyni hönnuði kirkjuna gegn því að koma henni í viðunandi horf. Kirkjan var afhelguð og fyrirhugað er að nýta hana með ýmsum hætti í þágu menningar og lista. Nú þegar kirkjan hafði verið gerð upp var komið að fyrsta formlega menningarkvöldinu og allir boðnir velkomnir.
Hér má sjá myndir frá Menningarkvöldinu.
Fleiri fréttir
-
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.