Afturelding lögð í gras
Tindastóll/Hvöt tók á móti Aftureldingu á Sauðárkróksvelli í kvöld í 2. deildinni í knattspyrnu. Leikurinn var ekki sérlega tilþrifamikill en það gladdi heimamenn að ná öllum þremur stigunum og hefna þannig ófaranna í fyrri leik liðsins gegn Aftureldingu. Lokatölur urðu 2-1, frábær og mikilvægur sigur og nú er allt í tómu rugli í 2. deildinni.
Það var hlýtt í sunnanstrekkingnum á vellinum í kvöld og það voru gestirnir sem höfðu vindinn með sér í fyrri hálfleik. Þeir hófu leikinn betur en það voru engu að síður heimamenn sem komust yfir með slysalegu marki. Árni Arnarson tók aukaspyrnu af um 30 metra færi og skot hans hafnaði í leikmanni gestanna og sveif í fallegum boga í fjærhornið án þess að markvörður gestanna kæmi nokkrum vörnum við. Eftir þetta jafnaðist leikurinn og heimamenn áttu nokkrar góðar rispur upp völlinn en voru oftar en ekki fullbráðir að slá endahnútinn á sóknir sínar. Leikmenn Aftureldingar bættu í pressuna þegar á leið hálfleikinn og jöfnuðu með fallegu marki þegar um 10 mínútur voru til leikhlés en þá komst Wentsel Steinarr Ragnarsson Kamban á auðan sjó á vinstri kantinum, lék inn á teiginn og lét vaða í fjærhornið. Bæði lið sóttu af krafti eftir þetta en staðan 1-1 í hálfleik.
Síðari hálfleikur var ekki jafn líflegur og sá fyrri og einkum voru heimamenn kraftlitlir framan af. Um miðjan hálfleikinn höfðu stuðningsmenn Tindastóls/Hvatar áhyggjur af því að leikmenn væru við það að sofna inni á vellinum. Leikmenn Aftureldingar náðu upp ágætri pressu og hvað eftir annað skapaðist hætta við mark heimamanna en Gísli markvörður bjargaði vel og fékk svo líka hjálp frá annarri stönginni. Áhorfendur náðu að öskra liðið í gang aftur og leikmenn spýttu í lófana. Nokkuð munaði um á pöllunum að forsöngvari hins bísperrta stuðningsmannahóps Tindastóls/Hvatar var kominn á bekkinn hjá liðinu en kraftar hans hefðu kannski nýst betur í stúkunni (!?). En hvað um það, þegar um 10 mínútur voru eftir af leiknum fengu heimamenn aukaspyrnu á hægri kantinum. Árni Arnarson sendi fína sendingu inn á teiginn þar sem Dejan Milkovic kom á ferðinni og skallaði boltann upp í netmöskvana og tryggði heimamönnum öll þrjú stigin í leiknum. Lið Aftureldingar reyndi hvað það gat til að jafna leikinn en vörn Tindastóls/Hvatar stóð fyrir sínu og tryggði að þrjú stig bættust í pottinn.
Lið Tindastóls/Hvatar átti ágætan leik lengstum en leikurinn var þó jafn. Það var seygla í liðinu og það gaf fá færi á sér. Þá er liðið sterkt í föstum leikatriðum, með fína spyrnumenn og góða skallara. Gestirnir eru sennilega sárir að fara stigalausir af Króknum en liðin í 2. deildinni eru ótrúlega jöfn í sumar og í raun má segja að 10 lið af 12 séu í toppbaráttu. ÍH og Árborg virðast dæmd til að falla og önnur lið þurfa varla að óttast að falldraugurinn bregði fyrir þau fæti. Tindastóll/Hvöt eru í 6. sæti í deildinni þegar 8 umferðir eru eftir, liðið er með 23 stig, aðeins fjórum stigum minna en topplið Hattar sem fékk á baukinn hjá grönnum okkar í Knattspyrnufélagi Fjallabyggðar fyrr í dag. Það verður því spennandi að fylgjast með næstum leikjum en þann 4. ágúst heimsækja strákarnir ÍH í Hafnarfjörðinn.
Ljósmyndari Feykis var á vellinum í kvöld og náði nokkrum sæmilegum myndum þó aðstæður hafi verið orðnar ansi erfiðar undir lok leiks en þá var nánast skollið á myrkur.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.