WR Hólamót og reiðsýning útskriftarnema á Hólum um helgina
Næstkomandi helgi fer fram hið árlega WR Hólamót í sem er hestaíþróttamót UMSS og Skagfirðings. Mótið fer fram á Hólum í Hjaltadal, hefst föstudaginn 19. maí og lýkur á sunnudag. Samhliða mótinu fer fram reiðsýning útskriftarnema frá hestafræðideild Háskólans á Hólum.
Mótið er titlað sem WR (world ranking) mót og til að fræðast meira um hvað það þýðir hafði Feykir samband við Unni Rún Sigurpálsdóttur en hún er mótsstjóri mótsins ásamt Sigrúnu Rós Helgadóttur.
,,WR mót er mót þar sem alþjóðlegur dómari erlendis frá dæmir ásamt fjórum dómurum með alþjóðaréttindi frá Íslandi. Þar af leiðandi eru niðurstöður birtar á FEIF lista og eru alþjóðlegar niðurstöður. Nú á heimsmeistaramóts ári er meðal annars horft til WR móta þegar valið er inn í landslið Íslands fyrir HM í ágúst.“
Með góðum árangri á móti sem þessu geta því knapar gert sig að fýsilegum kosti fyrir landsliðsþjálfarann Sigurbjörn Bárðarson að velja sem einn af fulltrúum Íslands á HM í Hestaíþróttum sem fram fer í Hollandi í sumar.
Mótið hefst í hádeginu á föstudegi þar sem keppni fer fram í fimmgangi, tölti og gæðingaskeiði, á laugardaginn er áfram forkeppni í öllum flokkum en úrslit fara fram á sunnudaginn ásamt básaskeiði. Mótinu lýkur því seinnipart sunnudags. Reiðsýning frá hestafræðideild Hólaskóla verður á keppnisvellinum á Hólum seinnipart laugardags.
Mótsvæðið á Hólum er eitt það besta á landinu og er afar hentugt fyrir mót af þessu tagi.
,,Hólar bjóða upp á frábært keppnissvæði eins og hefur sýnt sig á Landsmóti Hestamanna 2016 og Íslandsmótinu á Hólum sumarið 2021. Frábært hesthús þar sem allir geta komið hestum sínum í stíu á meðan móti stendur, góðar reiðhallir til upphitunar ásamt upphitunarhring og góðum hringvelli.‘‘
,,Þetta stefnir í skemmtilegt mót með mjög góðum hestum og knöpum. Við hvetjum alla til að taka helgarrúnt heim að Hólum til að sjá bæði hesta og menn.‘‘ segir Unnur Rún að lokum.
/SMH
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.