Vorútsala á vellinum
Það er kannski fullsterkt í árina tekið að segja komið vor en fótboltinn er jú einn vorboðanna ljúfu. Í gær tóku Stólastúlkur á móti góðu liði Breiðabliks í Lengjubikarnum á Sauðárkróksvelli og það reyndist gestunum helst til of auðvelt að sækja stigin þrjú. Fyrri hálfleikur var ekki alslæmur hjá heimastúlkum en síðari hálfleikurinn var glataður. Lokatölur 0-8.
Bæði liðin taka þátt í Bestu deildinni í sumar og ljóst að það er talsvert verkefni fyrir höndum hjá Donna og hans liðskonum að stilla strengina fyrir þau átök. Lið Blika er auðvitað vel mannað, skipað teknískum leikmönnum sem kunna listina að láta boltann ganga og eru rútíneraðar í sínum leik. Nokkrar Stólastúlkna virtust ekki koma alveg heilar til leiks og það var skarð fyrir skildi.
Stólastúlkur byrjuðu leikinn ágætlega og náðu að leysa það ágætlega að koma boltanum fram völlinn í gegnum pressu gestanna. Fyrsta markið gerð Agla María á 14. mínútu eftir klaufagang í vörn Tindastóls og náðu Blikar öllum völdum í leiknum í kjölfarið. Leiðir Stólastúlkna fram völlinn lokuðust flestar og þær voru oftar en ekki étnar umsvifalaust um leið og boltinn var færður út úr vörninni. Annað mark lá fljótlega í loftinu, Blikar áttu bylmingsskot í slána og Magga varði nokkrum sinnum frábærlega í markinu. Annað mark leiksins gerði Andrea Rut á annarri mínútu uppbótartíma sem var ekki til að gera heimastúlkur upplitsdjarfari.
Bryndís fyrirliði varð fyrir því óláni í upphafi síðari hálfleiks að skora í eigið mark eftir fast leikatriði Blika. Á 64. mínútu fengu Blikar víti sem Agla María skoraði úr af öryggi og má segja að síðasta hálftímann hafi gestirnir verið líklegir í nánast hverri sókn, lið Tindastóls gerði sig sekt um mörg mistök og brunaútsölur í gangi í varnarleiknum. Mistök sem ekki er hægt að gera gegn eins góðu liði og Blikar hafa á að skipa og reikna með að sleppa með þau. Hafrún Rakel skoraði á 70. mínútu, Taylor Zierner á 85. mínútu og mínútu síðar gerði Agla María glæsimark og sitt þriðja í leiknum. Í uppbótartíma komst hún síðan á vítapunktinn og skoraði áttunda mark Blika – þó Magga hafi ekki verið langt frá því að verja.
Vond úrslit því staðreynd en í raun hefði sigurinn getað orðið enn stærri. Liði Tindastóls til hróss má segja að þær héldu áfram að reyna að spila boltanum og færa hann fram á völlinn án þess að negla stanslaust langa boltanum. Liðið fékk örfáa sénsa í leiknum en Melissa skallaði naumlega framhjá marki Blika um miðjan síðari hálfleik úr dauðafæri. Það sem sjaldnast vantar hjá liði Tindastóls, stemningu og talanda, virtist skorta í gær – það ætti að vera hægt að laga það í næsta leik og ljóst að allir leikmenn liðsins geta betur.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.