„Við erum allar þarna af sömu ástæðu, við elskum að spila fótbolta“
Það er alltaf nóg af fótbolta hjá Elísu Bríeti Björnsdóttur, 16 ára leikmanns Tindastóls í Bestu deildinni. Hún hefur verið einn af lykilleikmönnum Stólastúlkna í sumar sem og jafnaldra hennar, Birgitta Rún, báðar frá Skagaströnd, en þær hafa átt fast sæti í byrjunarliði Tindastóls og staðið sig hetjulega. Nú á dögunum fór Elísa Bríet með U16 landsliði Íslands á Norðurlandamót U16 kvenna sem fram fór í Finnlandi í byrjun júlí.
Elísa var eini leikmaðurinn af Norðurlandi sem valin var í 20 manna hóp Þórðar Þórðarsonar þjálfara liðsins. Hún hefur mikinn metnað, er einbeitt og vinnusöm og með gott auga fyrir sendingum og spili. Þar að auki er hún fjölhæf og getur leikið mismunandi stöður á vellinum og skilar alltaf sínu með glæsibrag. Feykir heyrði aðeins í henni hljóðið.
Fékkstu einhvern spilatíma í Finnlandi og er mikil samkeppni um stöður í landsliðinu? „Ég fékk sirka 15-20 mínútur í fyrstu tveimur leikjunum en svo í loka leiknum byrjaði ég inná og spilaði 64 mínútur. Það var samkeppni um einhverjar stöður en ekki allar samt.“ Hún kom inn á í stöðu hægri bakvarðar í fyrstu tveimur leikjunum en síðasta leik Íslands á mótinu byrjaði hún inn á sem djúpur miðjumaður.
Er mikið af efnilegum stelpum í liðinu? „Hópurinn var rosalega sterkur og fullt af efnilegum stelpum. Til dæmis Thelma Karen sem spilar með meistaraflokki FH, hún er mjög efnileg, Fanney Lísa í Stjörnunni er líka mjög efnileg og fædd árið 2009. Ég gæti haldið áfram og nefnt allar í hópnum því þetta var mjög sterkur hópur að mínu mati.“
Eru einhverjar þessara stelpna að spila jafn mikið og þið Birgitta í Bestu deildinni? „Það eru nokkrar sem eru að spila í Bestu deildinni. Thelma Karen er að spila mikið fyrir FH, Sóley Edda er búin að vera að byrja marga leiki fyrir Stjörnuna og svo eru Fanney Lísa og Hrafnhildur Salka einnig að spila mikið fyrir Stjörnuna. Annars held ég að ég sé ekki að gleyma neinni annarri.“
Á ekki Birgitta að vera í þessum landsliðshópi? „Ég get ekkert sagt til um það, það er þjálfarinn sem ræður því. En hins vegar fannst mér hún allan daginn eiga það skilið miðað við hvað hún er búin að standa sig vel í Tindastólsliðinu í sumar og ég efast ekki um að þetta hefur verið erfitt fyrir Dodda þjálfara að ákveða.“
Þið Birgitta og Saga Ísey [16 ára frá Hvammstanga] hafið heldur betur fengið að láta ljós ykkar skína í sumar og gefið hvergi eftir. Eru mótherjarnir að bera virðingu fyrir ykkur eða fáið þið að heyra það að þið séu ungar? „Við viljum alltaf láta finna fyrir okkur. Ég held að mótherjunum sé alveg sama hvað við erum gamlar. Við erum allar þarna af sömu ástæðu, við elskum að spila fótbolta og það hefur komið okkur langt.“
Hver hefur verið erfiðasti mótherjinn sem þú hefur mætt í sumar? „Ætli ég verði ekki að segja Valur. Við töpuðum þeim leik 3-1 en ég held ég sé ekki að ljúga þegar ég segi að það hafi verið bestu úrslit sem Tindastóll hefur náð á móti Val.“
Hvernig finnst þér hafa gengið hjá liði Tindastóls í sumar, finnst þér þið vera að spila betri fótbolta en í fyrra? „Mér finnst við þora að spila boltanum meira en í fyrra og svo er auðvitað geggjuð liðsheild sem gerir mikið fyrir okkur. Mér líst ótrúlega vel á framhaldið,“ segir Elísa Bríet að lokum.
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.