Vel spilaður leikur milli tveggja góðra liða sem lögðu allt í þetta, segir Pavel eftir leik gærkvöldsins
Það var á erfiðan völl að sækja fyrir Tindastól í Icelandic Glacial höllina í Þorlákshöfn í gær er liðin áttust við í Subway-deildinni í körfubolta. Tvö hörku lið sem tókust á í jöfnum og spennandi leik og úrslit réðust ekki fyrr en eftir framlengingu. Þar höfðu heimamenn betur og unnu með þriggja stiga mun. Það var mikið í húfi fyrir bæði lið að landa sigri, fyrir Þór að tryggja sig í úrslitakeppnina og heimavallarétturinn mikilvægi fyrir Tindastól en fjögur efstu liðin fá þann rétt í úrslitakeppninni.
Þórsarar náðu með sigrinum að slíta sig frá Stjörnunni og Breiðablik, sem voru jöfn að stigum fyrir leikinn með 16 stig í 7.-9. sæti, og verma nú 7. sætið. Stólar aftur á móti sitja í 5. sæti með 22 stig en sæti ofar eru Haukar með 26 og aðeins tveir leikir eftir í deildinni gegn neðsta liði og því efsta, KR og Val, og því aðeins lukkudísaörlög sem geta hjálpað til í þeim efnum.
En eins og áður sagði var leikur gærkvöldsins spennandi og aðeins spurning hvort liðið gerði færri mistök. Spennan var í hámarki alla leikhluta en jafnt var eftir þann fyrsta 17 – 17 en heldur sóttu heimamen í sig veðrið í þeim næsta þar sem þeir skoruðu 19 stig gegn 14 gestanna 19-14 og voru því yfir í hálfleik 36 – 31, sem er í sjálfu sér enginn munur. Oft hefur verið talað um að álög hvíli á Tindastólsliðinu í 3. leikhluta því hann hefur á stundum tapast illa en Pavel þjálfari hefur náð að kveða þá bölvun niður þar sem Stólar hafa átt góða spretti í þeim leikhluta eftir komu hans á Krókinn. Sá hluti vannst með sex stigum 19 – 25 og Stólar með yfirhöndina þegar lokakaflinn hófst 55:56. Áfram hélt spennan, mikið jafnræði með liðunum í fjórða leikhluta og Stólar gerðu sig líklega til að láta til sín taka með fimm stiga áhlaupi í byrjun en Þórsarar ekkert á því að gefa neitt eftir og höfðu komist yfir áður en lagt um leið. Skiptust liðin á að leiða og þegar leikhlutinn var hálfnaður var staðan jöfn 74 – 74. Áfram hélt spennan áfram og þegar tíminn rann út var staðan jöfn 83-83 og því framlenging í vændum. Í framlengingunni höfðu heimamenn betur eftir áframhaldandi naglbít þar sem liðin héldu áfram að skipta með sér forystunni en lokastaðan 93-90.
Þrátt fyrir tap Tindastóls var Pavel sáttur við framgöngu sinna manna og sagði að raun hefði ekkert vantaði upp á í gær.
„Þetta var vel spilaður leikur milli tveggja góðra liða sem lögðu allt í þetta. Við löbbuðum sáttir frá þessum leik,“ sagði Pavel við Feyki.
Þú sagðir fyrir leik að verið væri að prófa nýja hluti varðandi leikskipulag, hvernig er það og hvernig fannst þér það ganga?
„Það var ekkert nýtt leikskipulag sem slíkt, en það voru hlutir sem við vildum leggja áherslu á og framkvæma. Við gerðum það vel.“
Tapið minnkaði líkurnar á heimavallarétti í úrslitakeppninni, telur þú það hafa áhrif á gengi liðsins í þeirri keppni?
„Heimavallarétturinn hefði verið vel þeginn. En hann breytir ekki alveg öllu. Þetta er krefjandi ferðalag ef þú vilt komast á leiðarenda. Nú þurfa allir að koma í bátana. Stemningin og stuðningurinn sem myndast hérna verður mikilvægt vopn fyrir okkur á Króknum. Vopn sem ekkert annað lið í deildinni getur státað sig af.“
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.