Varmahlíðarskóli flaug í úrslit í Skólahreysti eftir allt
Það var heldur betur boðið upp á drama þegar Skólahreysti grunnskólanema hófst í gær. Keppt var í íþróttahöllinni á Akureyri og fjórir skólar af Norðurlandi vestra tóku þátt í fyrra úrtakinu sem hóf keppni klukkan fimm í gær í beinni útsendingu í Sjónvarpinu. Þar tóku fulltrúar Árskóla, Grunnskólans austan Vatna, Húnaskóla og Varmahlíðarskóla á honum stóra sínum. Þegar upp var staðið kom í ljós að Varmahlíðarskóli bar sigur úr býtum, með 26,5 stig, þrátt fyrir að Brúarásskóli á Egilsstöðum hafi verið kynntur sigurvegari í beinni.
Brúarásskóli hafnaði því í öðru sæti með 36,5 stig og Myllubakkaskóli úr Reykjanesbæ varð í þriðja sæti með 31,5 stig. Hinir þrír skólarnir af Norðurlandi vestra komust því ekki í efstu þrjú sætin en stóðu sig engu að síður mjög vel. Grunnskólinn austan Vatna hlaut 29,5 stig og hafnaði í fjórða sæti, Árskóli endaði í fimmta sæti með 25,5 stig og Húnaskóli varð í sjötta sæti með 22 stig. Alls tóku átta skólar þátt í þessum riðli.
Sigurlið Varmahlíðarskóla var skipað þeim Daníel Smára Sveinssyni og Arndísi Kötlu Óskarsdóttur sem kepptu í hraðaþraut, Þá sáu Kolbeinn Maron L. Bjarnason og Heiðrún Erla Stefánsdóttir um hreystiþrautir en Bríet Bergdís Stefánsdóttir og Eiríkur Jón Eiríksson voru varamenn.
Keppnin var æsispennandi og skemmtileg og krakkarnir hreint magnaðir. Í frétt á síðu Varmahlíðarskóla segir: „Okkar keppendum gekk afar vel og fyrir hraðabrautina vorum við efst með 26,5 stig, bara einu heilu stigi á undan næsta skóla. Hraðabrautin var gríðarlega spennandi og ljóst að ekki mátti miklu muna stigalega séð á milli skólanna. Svo kom í ljós við verðlaunaafhendingu að við urðum í 2. sæti en viti menn, allt getur gerst: eftir endurtalningu refsistiga í hraðabrautinni kom í ljós að Varmahlíðarskóli vann riðilinn sinn.“
Samkvæmt upplýsingum Feykis hafði skólinn fengið refsistig fyrir að klára ekki kaðlaklifur í hraðabrautinni. Var gerð athugasemd við þetta og þegar myndbandið var skoðað kom sannarlega í ljós að kaðlaþrautin var kláruð – og þar með bættust við stigin sem tryggðu Varmahlíðarskóla sigurinn. Þá var búið að verðlauna hamingjusama nemendur Brúarásskóla sem voru sviptir verðlaunum sínum í þann mund sem þeir yfirgáfu höllina. Leiðinleg mistök en líkt og annar kynna keppninnar sagði síðar um kvöldið: „Langmikilvægast að réttur skóli fari áfram.“ Það er nefnilega þannig.
Sigurvegarar í undankeppnum Skólahreystis tryggja sér sæti í úrslitum. Ekki er öll von úti fyrir Brúarásskóla því fjórir skólar með bestan árangur í öðru sæti komast einnig í úrslit.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.