Valsmenn spilltu skagfirska draumnum
Það er einhver bið á því að Tindastólsmenn lyfti Íslandsmeistaratitlinum en síðasti sénsinn þetta árið verður í Origo-höllinni á Hlíðarenda nú á fimmtudaginn. Valsmenn gerðu sér nefnilega lítið fyrir og eyðilögðu draumapartý Stólanna með seiglusigri í Síkinu í kvöld. Heimamenn áttu hreint klikkaðan fyrsta leikhluta og voru eiginlega orðnir meistarar að honum loknum en svo bara gerðist eitthvað og sllt small í baklás. Í þremur síðustu leikhlutunum skoruðu Stólarnir 31 stig en höfðu gert 38 í þeim fyrsta. Lokatölur 69-82 og oddaleikur bíður liðanna en Stólarnir geta huggað sig við að þeir eru búnir að vinna þrjá leiki í röð í garði meistaranna.
Arnar og Taiwo voru allt í öllu í fyrsta leikhluta og skiluðu meginþorra stiga Stólanna. Þrjár síðustu mínútur leikhlutans breyttist staðan úr 23-20 í 38-23 og heimamenn í raun í draumaheimi. Strax í byrjun annars leikhluta var eins og lok hefði verið sett á körfuna sem Stólarnir sóttu á. Raunar gekk Völsurum lítið betur að skora eða allt þar til Frank Aron Booker komst í gírinn og fór að saxa á forskot heimamanna nánast upp sitt einsdæmi. Skyndilega var eins og allt væri erfitt hjá heimamönnum, ekkert gekk í sókninni og ekki hjálpaði þegar borðleggjandi villur á Valsmenn runnu flautulaust hjá garði. Valsmenn gengu á lagið og staðan var 48-43 í hálfleik.
Enginn í liði heimamanna fann nokkuð sem líktist fjöl í fjarska allan síðari hálfleikinn. Það var ekki endilega það að Valsmenn væru að spila svona vel, skotin vildu bara ekki niður og sem dæmi um það þá settu heimamenn átta þrista í tólf skotum í fyrsta leikhluta en aðeins einn í 24 það sem eftir lifði leiks. Gestirnir leiddu með fjórum stigum, 60-64, að loknum þremur leikhlutum en Stólarnir komu ferskir inn í fjórða leikhluta og komust yfir, 65-64, og leiddu 67-65 þegar átta mínútur voru til leiksloka. Á þessum átta mínútum sem eftir lifðu skoruðu Stólarnir tvo stig en Valur 17! Í síðari hálfleik gerðu Stólarnir 21 stig en Valsmenn 39 og því fór sem fór.
Það þarf ekki að hafa mörg orð um frammistöðuna. Hún var stórundarleg. Taiwo var með 28 stig fyrir Stólana og Arnar skilaði 19. Drungilas var með tíu stig og níu fráköst en aðrir voru ekki að skila í sókninni og Keyshawn t.d. virtist aldrei tengdur og kominn í villuvesen fyrir hlé. Breiddin var aftur á móti fín í Valsliðinu þar sem reyndar aðeins sex leikmenn komust á blað en þeir skiluðu allir níu stigum eða meira. Vel gert hjá Valsmönnum.
Nú er því komin upp sú undarlega staða að leikmenn verða að halda sér á jörðinni en engu að síður stíga upp á sjálfum uppstigninardegi. Liðið sem nær betri balans á þessari mótsögn mun væntanlega verða Íslandsmeistari. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.