Valskonur enn númeri of stórar fyrir Stólastúlkur
Tindastóll og Íslandsmeistarar Vals mættust á Króknum í gær. Stólastúlkur hafa ekki átt góðu gengi að fagna gegn Valsliðinu frekar en önnur lið og það varð engin breyting á því í gær. Heimaliðið stóð þó fyrir sínu fyrsta klukkutímann, jafnt var í hálfleik en þá hafði hvort lið gert eitt mark, en gæði stúlknanna hans Péturs okkar Péturssonar skinu í gegn þegar á leið og lappir Stólastúlkna fóru að þyngjast. Lokatölur 1-4.
Jasmín Erla kom gestunum yfir á 18. mínútu eftir að hafa fengið boltann inn á teig Tindastóls og rennt boltanum framhjá Monicu í markinu. Tæpum tíu mínútum síðar jafnaði lið Tindastóls en þá vann Laufey Harpa boltann og renndi honum á Elísu Bríeti inni á teig Vals, hún náði fínu skoti, lyfti boltanum yfir markvörð gestanna og í fjærhornið. Rétt fyrir hlé átti Jordyn ágætan skalla en naumlega framhjá. Staðan 1-1 í hálfleik.
Það má segja að vendipunktur leiksins hafi orðið eftir klukkutíma leik þegar Valskonan Berglind Björg Þorvaldsdóttir kom inn á í framlínu gestanna. Þremur mínútum síðar hafði Jasmín komið Val yfir, renndi þá boltanum í autt markið eftir geggjaða fyrirgjöf. Berglind gerði síðan tvö síðustu mörk leiksins með fjögurra mínútna millibili; slúttaði glæsilega á 75. og 79. mínútu og gerði út um vonir Stólastúlkna um stig gegn meisturunum.
Við höfum trú á okkur og því sem við eigum að gera
„Mér fannst lokaúrslitin sanngjörn, já,“ sagði Donni þjálfara þegar Feykir spurði hann að leik loknum hvort úrslitin hefðu verið sanngjörn. „Fyrri hálfleikurinn var til fyrirmyndar bæði varnarlega og í raun sóknarlega líka. Skoruðum frábært mark og í raun pínu okkar klaufagangur sem orsakar fyrsta markið sem þær skora. Brjáluð vinnusemi og mikil hlaup. Fyrsta korterið í seinni eða fram að öðru markinu var sama uppi á teningnum. Síðan er bensínið bara búið hjá okkur, því miður, og þær ganga á lagið með öll sín gæði og bara skora frábær mörk.“
Donni sagði Val vera með algerlega geggjað lið og mjög vel spilandi. „Þegar þær eru í stuði og tikka vel þá eru þær bestar. Það gerðist eftir ca. 65 mínútur en fram að því voru leikmenn Tindastóls mjög flottar. Við samt gáfumst aldrei upp og allar gerðu sitt allra besta og þær sem komu inn á gerðu mjög vel og fengu mikilvægar mínútur. Valskonur voru bara betri.“
Lið Tindastóls tefldi fram nýjum leikmanni, Elise Anne Morris. Hvað geturðu sagt okkur um hana? „Elise er flottur karakter sem mér fannst heilt yfir koma vel inn í þetta í gær. Það er aðeins síðan hún spilaði síðast en hún á eftir að komast aðeins betur inn í hlutina hjá okkur. Hún er fín á boltanum og mjög líkamlega sterk og eins og áður segir góður karakter.“
Maria Del Mar, sem átti að koma inn í liðið í stað Gwen, hefur enn ekkert spilað. Hvað veldur? „Mar er buin að vera að glíma við meiðsli frá þvi eftir fyrstu æfingu, því miður, og það á aðeins eftir að skýrast hvernig það fer.“
Næstu tveir leikir eru hér heima, fyrst gegn Þór/KA og síðan lið Þróttar. Hvað þurfa Stólastúlkur að gera til að ná í stig gegn þessum liðum? „Við þurfum að þora að halda í boltann og spila okkar fótbolta. Vinna áfram í varnarleiknum því við erum jú buin að fá á okkur 30 mörk hingað til sem er ekki gott auk þess að skora ekkert sérstaklega mikið. Það er ennþá allt galopið í þessu og við höfum trú á okkur og því sem við erum að gera,“ sagði Donni að lokum.
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.