Tindastólsstúlkur fóru tómhentar heim úr Þorlákshöfn
Kvennalið Tindastóls í körfunni skellti sér í Þorlákshöfn í gær og spilaði þar við sameinað lið Hamars/Þórs í 5. umferð 1. deildar kvenna. Bæði lið voru með tvö stig að loknum fjórum umferðum. Stólastúlkur fóru vel af stað og voru yfir í hálfleik en heimastúlkum tókst að snúa leiknum sér í vil í síðari hálfleik og sigruðu að lokum 94-87.
Jafnræði var með liðunum framan af en heimastúlkur leiddu 18-15 að loknum fimm mínútum en staðan var 22-23 þegar tvær og hálf mínúta var eftir af fyrsta leikhluta Þá komu átta stig í röð frá Stólastúlkum sem leiddu því 22-31 þegar annar leikhluti hófst. Hann hófst eins og sá fyrsti endaði; með þristi frá Rebekku og skyndilega var munurinn orðinn tólf stig. Munurinn hélst þetta átta til tíu stig næstu mínútur en síðan hertu heimastúlkur vörnina og náðu að minnka muninn í eitt stig en Emese átti síðasta orðið fyrir hlé. Staðan 48-51.
Stólastúlkur höfðu áfram yfirhöndina framan af þriðja leikhluta en þegar tæpar þrjár mínútur lifðu af honum kom Emma Hrönn heimastúlkum yfir. Chloe jafnaði leikinn, 69-69, en lið Hamars/Þórs gerði fimm síðustu stig leikhlutans og leiddu því 74-69 að honum loknum. Þær skelltu síðan þristi í andlitið á gestunum í upphafi fjórða leikhluta og voru fljótlega komnar með tíu stiga forystu. Þann mun náðu Stólastúlkur ekki að brúa, náðu nokkrum sinnum að minnka muninn í fimm stig en nær komust þær ekki og heimastúlkur fögnuðu því sætum sigri.
Chloe Wanink var stigahæst í liði Tindastóls með 32 stig en Emese Vida var skammt undan með 27 stig en hún hirti 17 fráköst. Þá var Eva með níu stig og sjö stoðsendingar og Inga Sólveig sjö stig og fimm stoðsendingar. Stólastúlkum gekk illa að hemja unglingalandsliðsstúlkuna Emmu Hrönn Hákonardóttur sem gerði 31 stig í leiknum. Þá var Jenna Mastellone með 23 stig og tók ellefu fráköst.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.