Tindastóll og FH deildu stigunum
Lið Tindastóls og FH mættust í þriðju umferð Bestu deildar kvenna á Króknum í dag en þau unnu sér bæði sæti í Bestu deildinni síðasta haust. Lið gestanna var stigalaust eftir töp gegn Þrótti og Val en lið Tindastóls hafði eitt stig eftir jafntefli gegn Keflavík og tap gegn Blikum. Það var því mikilvægt fyrir bæði lið að næla í stigin sem í boði voru en eftir mikla baráttu og fjörugan leik þá fór svo að liðin skiptu stigunum á milli sín. Lokatölur 1-1.
Það var ekki hlýtt á Króknum í dag en veðrið var stillt og því fínar aðstæður á gervigrasinu. Liði FH gekk betur að sækja framan af leik og sótti í að komast upp kantana en Bryndís og Gwen voru ólseigar í miðju varnar Tindastóls og náðu að mestu að koma í veg fyrir að lið gestanna kæmist í góð færi. Tindastólsliðið fékk líka sín færi og fyrsta dauðafærið kom á 20. mínútu þegar Murr náði að snúa á vörn FH, komst inn á teiginn en var komin fullnálægt Aldísi í mark FH sem náði að verja frá henni. Ísinn var síðan brotinn á 29. mínútu þegar Murr átti fína sendingu inn fyrir á Aldís Maríu sem komst framhjá nöfnu sinni og náði að skora úr þröngu færi. Lið FH jók sóknarþungann í kjölfarið og þær uppskáru víti á 44. mínútu eftir að María Dögg renndi sér aftan í MacKenzie sem hafði sloppið inn á teiginn. Shania Ashouri skoraði af öryggi úr vítinu og staðan 1-1 í hálfleik.
Fátt var um færi framan af síðari hálfleik en Stólastúlkur fengu þó nokkrar hornspyrnur en þær skiluðu sér ekki á hættusvæði og liði FH hreinsaði frá. Síðari hluta hálfleiksins jókst áræðni liðanna og augljóslega hungraði bæði lið í stigin þrjú. Sóknarþungi Tindastóls jókst talsvert þegar Melissa kom inn á en þrátt fyrir nokkra ágæta möguleika tókst liðunum ekki að bæta við mörkum og jafntefli því sennilega sanngjörn niðurstaða.
Það má strax sjá góðar framfarir hjá liði Stólastúlkna en liðinu gengur nú betur að halda í boltann og finna leiðir fram völlinn. Það var synd að liðið náði ekki að nýta föst leikatriði betur því Stólastúlkur fengu nokkrar horn- og aukaspyrnur sem sköpuðu litla hættu við mark FH. Gwen hefur komið gríðarsterk inn í vörnina og hún steig engin feilspor í dag. Þá var Aldís María í fínu formi og gerði gestunum erfitt fyrir með krafti og áræðni. Það var margt jákvætt í leik heimastúlkna og ekki skortir dugnaðinn og baráttuna.
Lið Tindastóls hefur nú lokið þremur heimaleikjum og hefur náð úr þeim tveimur stigum. Næst fara stelpurnar á Selfoss til að ná í þrjú stig. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.