Þrír stórleikir í fótboltanum á Norðvesturlandi um helgina
Það verða spilaðir þrír mikilvægir leikir í boltanum hér á Norðurlandi vestra um helgina í þremur mismunandi deildum. Kormákur/Hvöt og Tindastóll spila sína leiki í 3. deild og 4. deild á sama tíma á laugardegi en leikirnir hefjast kl. 14. Á sunnudag fá Stólastúlkur lið Keflavíkur í heimsókn í fyrstu umferð úrslitakeppni neðri hluta Bestu deildar kvenna. Þær hefja leik korter yfir fjögur.
Það er víst þannig að fyrsta haustlægðin ætlar að gera tilraun til að stela senunni nú um helgina en vænta má sunnanstrekkings – vonandi þó ekki of mikils. Veðurstofan gerir ráð fyrir 10-13 metrum en hitinn verður sennilega í tveggja stafa tölu.
Á Blönduósi tekur lið Kormáks/Hvatar á móti Árbæingum sem með sigri kæmist upp fyrir lið Húnvetninga sem hafa eignað sér annað sæti 3. deildar alla síðari umferð mótsins. Tuttugasta umferðin er farin í gang og nú þegar hafa Víðismenn, sem einnig sóttu að K/H, fengið skell gegn næstneðsta liðinu. Það er skarð fyrir skyldi hjá Húnvetningum að tvær leikmenn fengu að líta rauða spjaldið í síðasta leik og verða því ekki með um helgina. Kormákur/Hvöt er með 28 stig en Árbær 36. Það verður pottþétt fjör á Blönduósvelli og nú verða heimamenn að fjölmenna á völlinn og hvetja sína menn.
Karlalið Tindastóls í 4. deildinni vonast eftir að detta í lukkupottinn og úrslit verði þeim hagstæði í síðustu tveimur umferðunum. Fyrst þurfa þeir þó að taka á móti liði KFK úr Kópavogi sem er nú í þriðja sæti með 33 stig en Stólarnir eru með 30. Fyrir ofan þau er lið Árborgar með 35 stig en hefur leikið einum leik meira Efst tróna Vængir Júpiters með 39 stig og hafa þegar tryggt sér sæti í 3. deild. Vonir Stólanna eru því á mörkum þess að vera raunhæfar en stundum gerast ævintýri.
Kvennalið Tindastóls tekur þátt í úrslitakeppni neðri hluta Bestu deildarinnar og stendur best liðanna fjögurra sem þar taka þátt. Lið Selfoss verður að vinna alla þrjá leiki sína til að eygja séns á því að halda sér uppi en það kemur til leiks í úrslitakeppnina með 11 stig. Efst er lið Tindastóls með 19 stig, þar á eftir er lið ÍBV með 18 stig og loks Keflavík með 17 stig. Af þessum þremur liðum er lið Tindastóls með slökustu markatöluna. Það getur því allt gerst í úrslitakeppninni og á sunnudaginn taka Stólastúlkur á móti liði Keflavíkur. Það verður fyrsti leikurinn þar sem leikur ÍBV og Selfoss sem vera átti á laugardag hefur verið færður til þriðjudags vegna slæms veðurútlits.
Nú er bara að klæða sig í vindklæðnaðinn og mæta brosandi út í sunnanáttina og hvetja liðin okkar til sigurs. Koma svo!
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.