Svekkjandi tap á móti Stjörnunni
Meistaraflokkur karla tók á móti Stjörnunni í Síkinu fimmtudaginn 9. nóvember. Stjarnan var búin að vera á blússandi siglingu fram að þessum leik og máttu Stólarnir því eiga vona á kröftugum leik þar sem fréttir bárust að Pétur Rúnar yrði með í leiknum.
Stjörnumenn virtust örlítið utan við sig í leiknum sem var kannski bara gott fyrir Stólana en fyrsti leikhlutinn fór 22-17 fyrir Tindastól sem var sögulega langur að líða því mikið gekk á. Í öðrum leikhluta hvarf neistinn hjá Stólunum og Stjörnumenn komust á bragðið og tóku leikhlutann 10-23 og því staðan í hálfleik 32-40 fyrir Stjörnunni. Í þriðja leikhluta voru Stólastrákarnir mjög ákveðnir og ætluðu sér greinilega að taka leikinn í sínar hendur og fyrir lokaleikhlutann var staðan 54-56 fyrir Stjörnunni. Það stefndi því í svakalegar tíu mínútur, sem og varð raunin, því staðan eftir venjulegan leiktíma var 70-70 og því framlenging. Því miður tók Pétur Rúnar ekki þátt í henni því hann gat greinilega ekki meir enda skiljanlegt en Stjörnumenn mættu mikið ákveðnari til leiks og lönduðu sigri eftir dramatískar lokamínútur. Lokastaðan því 78-84 fyrir Stjörnunni.
Þórir Guðmundur Þorbjarnarson var eins og áður frábær og hélt uppteknum hætti og skilaði þrefaldri tvennu, skoraði 26 stig, tók 14 fráköst og 10 stoðsendingar. Callum Lawson skoraði 20 stig, níu fráköst og eina stoðsendingu. Adomas Drungilas var með 13 stig, sjö fráköst og fjórar stoðsendingar. Pétur Rúnar var með 13 stig og eitt frákast. Ragnar var með þrjú stig og sjö fráköst. Hannes tók að sjálfsögðu einn stemningsþrist.
Næsti leikur er við Njarðvík í Ljónagryfjunni föstudaginn 17. nóvember kl. 19:15.
Áfram Tindastóll!
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.