Stórsigur Stólastúlkna í fyrsta leiknum
Það var ekki beinlínis boðið upp á háspennu í gærkvöldi þegar liðin tvö, sem spáð var slökustu gengi í 1. deild kvenna í körfubolta í vetur, mættust í Síkinu. Lið Tindastóls reyndist hreinlega miklu sterkara en b-lið Breiðabliks og hefur sennilega aldrei unnið jafn stóran sigur í leik á Íslandsmóti. 69 stigum munaði á liðunum þegar lokaflautið gall en þá var staðan 95-26.
Lið Tindastóls skoraði 20 stig eða meira í öllum leikhlutum en lið Blika mest átta stig. Það hljómar því kannski fáránlega að gestirnir byrjuðu vel, settu niður þrist eftir hálfa mínútu og héldu forystunni fram yfir þriðju mínútu en þá kom Emese Vida Stólastúlkum yfir, 6-5. Þá gerði Chloe Wanink sjö stig í röð og lið Tindastóls tók öll völd í Síkinu. Staðan að loknum fyrsta leikhluta var 26-8 og í hálfleik var munurinn 33 stig, staðan 46-13. Stólastúlkur héldu áfram að keyra yfir andstæðingana í síðari hálfleik og slógu hvergi af. Staðan var 74-18 að loknum þriðja leikhluta og eins og fyrr segir munaði 69 stigum í leikslok.
B-lið Blika mætir ekki til leiks í 1. deildinni með atvinnumann eða -menn líkt og önnur lið og má því kannski ætla að liðið standi ekki jafnfætis andstæðingum sínum. Það þarf þó ekki alltaf að vera samasemmerki á milli. Það er hins vegar ekki gott að segja hvaða fyrirheit frammistaða Stólastúlkna gefur fyrir veturinn. Það eru erfið próf framundan í næstu tveimur leikjum; útileikjum gegn Þór Akureyri og Ármanni.
Chloe var stigahæst Stólastúlkna í gær með 34 stig en líkt og Eva Rún var hún með 32 framlagspunkta. Eva gerði 18 stig, tók 10 fráköst og átti átta stoðsendiingar – ekki slæm frammistaða hjá fyrirliðanum! Inga Sólveig skilaði tíu stigum og sjö fráköstum og Emese Vida gerði átta stig en hirti 23 fráköst. Pat þjálfari spilaði öllum mannskapnum í gær og skiluðu allar stelpurnar fínu framlagi. Sjá nánar tölfræði á vef KKÍ >
„Við erum ekki nálægt neinu botnsæti!“
Feykir hafði samband við Evu Rún Dagsdóttur, fyrirliða Tindastóls, í hádeginu og spurði hvort hún gæti útskýrt 69 stiga sigurinn. „Ég myndi segja að æfingar vikunnar hafi skilað sér á vellinum í gær,“ segir Eva Rún. „Við mættum mjög vel undirbúnar og peppaðar í leikinn. Þessa vikuna erum við loksins að mæta tíu eða fleiri á æfingar sem býr til miklu meiri orku og góða liðsheild. Við vorum 14 á leiknum, í búning eða ekki, allt liðið skiptir gríðarlegu máli. Í gær fann ég þennan sterka gameday fíling – sem er svo geggjaður! – og ekki skemmdi fyrir að vera á heimavelli með fólkið sitt í stúkunni. Við keyrðum leikinn með miklum hraða, baráttu, góðri vörn og samspili. Allt liðið fékk sínar mínútur og það var mikil leikgleði og samvinna. Ég er stolt af Emmu Katrínu sem var að stíga sín fyrstu skref í mfl. kvk, aðeins 14 ára. Hún kom sterk inn á með baráttu og skilaði fimm stigum. Leikurinn var frábær í alla staði og mjög gott að byrja tímabilið svona. En við erum bara rétt að byrja og munum halda áfram að bæta okkur með hverri vikunni og sýna hvað í okkur býr. Við erum ekki nálægt neinu botnsæti.“
Enda Stólastúlkur pottþétt í efsta sæti þegar fyrstu umferðinni lýkur.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.