Stórmeistarajafntefli á Króknum en FH-liðið fór heim með bikarinn
Frábærri keppni í Lengjudeild kvenna lauk í kvöld en þá var heil umferð spiluð. Toppliðin tvö sem þegar höfðu tryggt sér sæti í Bestu deildinni að ári mættust á Sauðárkróksvelli í bráðskemmtilegum baráttuleik. Fisk Seafood bauð stuðningsmönnum liðanna á völlinn og alls ekki víst að það hafi fleiri mætt á fótboltaleik á Króknum áður. Lið FH hafði stigs forskot á Stólastúlkur fyrir leikinn og því ljóst að heimaliðið þurfti sigur ætluðu þær sér Lengjudeildartitilinn. Niðurstaðan varð hins annað jafntefli liðanna í sumar, að þessu sinni 2-2, og FH fagnaði því í leikslok.
Það var ljómandi knattspyrnuveður á Króknum og stemningin á vellinum hreint frábær. Fólk mætti snemma til leiks og einhenti sér í hamborgararöðina. Leikurinn fór fjörlega af stað og ljóst að heimaliðið ætlaði að sækja. Lið FH skoraði hins vegar eftir sína fyrstu sókn á 5. mínútu en þá unnu þær boltann á góðum staða eftir slaka spyrnu Amber frá marki,boltanum var rennt inn fyrir vörn Tindastóls og þar var Kristin Schnurr mætt og setti boltann laust í fjærhornið. Smá skellur fyrir heimaliðið en þær héldu áfram að sækja og Hugrún jafnaði metin á 23. mínútu eftir að Aldís María sendi boltann fyrir mark FH. Eftir hálftíma leik náðu gestirnir forystunni á ný. Þá átti leikmaður FH skalla að marki sem Amber náði að blaka frá en hún lenti á illa á stönginni, gestirnir náðu boltanum og Berglind Þrastardóttir náði hörkuskoti sem Amber, sem varla hafði náð áttum, náði ekki að verja. Stólastúlkur pressuðu í kjölfarið og Murr náði að skalla boltann í markið eftir hornspyrnu. Hún var nálægt því að koma sínu liði yfir skömmu síðar en FH bjargaði á línu. Staðan 2-2 í hálfleik.
Baráttan var í algleymingi í síðari hálfleik en leikurinn ekki jafn opinn. Liði Tindastóls gekk ekki nægilega vel að finna taktinn í sókninni og lið FH varðist vel eins og það hefur gert í allt sumar, höfðu aðeins fengið á sig sjö mörk fyrir þennan leik. Það dró svo til tíðinda á 68. mínútu þegar brotið var á Vigdísi Eddu, Stólastúlkunni í liði FH, og hún sparkaði í Hrafnhildi vinkonu sína sem var ekki alveg saklaus. Hrafnhildur fékk að líta gula spjaldið en Vigdís það rauða. Það hefði mátt búast við því að Stólastúlkur næðu að ganga á lagið, að völlurinn opnaðist betur fyrir þær, en það var öðru nær. Lið FH varð hreinlega grimmara og gáfu ekki þumlung eftir. Murr fékk þó gott færi en ágætt skot hennar var varið og loks fékk Aldís færi í uppbótartíma en náði ekki að hitta boltann nægilega vel.
Það voru því ólíkar tilfinningar hjá leikmönnum í lokin þrátt fyrir að þau skiptu stigunum á milli sín. Stólastúlkur voru niðurlútar, fannst sennilega sem gott tækifæri til að ná í bikarinn á heimavelli hefði farið forgörðum. FH-liðið fagnaði hins vegar innilega og tók við bikarnum úr höndum Króksarans Vöndu Sigurgeirsdóttur í lok verðlaunaafhendingar. Þá voru komin blys á loft í stúkunni og stuðningsmenn beggja klöppuðu liðunum lof í lófa eftir frábæra frammistöðu í sumar.
Til hamingju FH og til hamingju Stólastúlkur!
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.