Stórleikir í fótboltanum um helgina
Það er stóleikir fyrir liðin af Norðurlandi vsetra í fótboltanum þessa helgina. Húnvetningar ríða fyrstir á vaðið en þeir halda norður á Húsavík og leika þar við sterkt lið Völsungs. Seinna um daginn taka Tindastólsmenn á móti liði Árborgar á Króknum og á sunnudaginn spila Stólastúlkur fyrsta leik sinn í úrslitakeppni neðri liða Bestu deildarinnar þegar Keflvíkingar mæta til leiks.
Kormákur/Hvöt er nú komið í bullandi fallbaráttu í 2. deild og þarf nauðsynlega á stigum að halda. Þeir spila við spræka Húsvíkinga og verður flautað til leiks kl. 13:00. Húnvetningar hugðust stefna að úrvalsreisu með langferðabifreið fullri af hörðustu stuðningsmönnum sínum. Þessum Trjójuhesti hefur nú verið parkerað og hyggjast gestirnir ráðast til atlögu við Húsvíkina vopnaðir einkabílum, væntanlega fullum af glaðbeittum og baráttuglöðum aðdáendum.
Á Sauðárkróksvelli mætast topplið 4. deildar, Tindastóll og Árborg. Stig dugar Stólunum til að tryggja sér efsta sætið í deildinni og sæti í 3. deild að ári. Stólarnir eru einbeittir á leikinn og var ákvðeðið að vera ekki með neitt húllumhæ í kringum leikinn heldur einbeita sér að fótboltanum. Samkvæmt upplýsingum Feykis verður bikarinn fyrir sigur í 4. deild ekki á vellinum og fer því ekki á loft í dag ef svo skemmtilega vill til að úrslitin yrðu Stólunum hagstæð. Kannski er þetta skynsamlegt – og kannski er bara svo ansi langt norður í land. En hvað um það; fjölmennum á völlinn og styðjum strákana til dáða.
Á morgun, sunnudag, mætast sem fyrr segir lið Tindastóls og Keflavíkur í úrslitakeppni neðri liða Bestu deildarinnar. Fjögur lið berjast fyrir lífi sínu í deildinni; Stjarnan (21 stig), Tindastóll (13) og Fylkir og Keflavík (10). Þar sem liðin spila þrjár umferðir er nokkuð ljóst að Stjarnan getur ekki fallið þar sem Keflavík og Fylkir geta að hámarki náð í níu stig og þar með alls 19 stig. Stólastúlkur þurfa nú að sýna hvað í þeim býr, liðið hefur á köflum spilað fínan fótbolta seinni part sumars en sigrarnir hafa látið á sér standa. Nú þurfa stelpurnar okkar stuðning og því þurfa Norðvestlendingar að fjölmenna á völlinn en leikurinn hefst kl. 16:00 á sunnudag.
Koma svo!
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.