Stólastúlkur unnu Mosfellinga í snjóbolta í Lengjubikarnum í gær
Stelpurnar í Tindastól tóku á móti Aftureldingu við afar krefjandi aðstæður á gervigrasinu á Sauðárkróki í gær er þær áttust við í lokaumferð Lengjudeildar í fótbolta. Stólar eiga reyndar eftir að spila frestaðan leik gegn Keflavíkurstúlkum sem fram á að fara um næstu helgi. Ökkladjúpur snjór, hríðarveður og kuldi er helsta lýsingin á aðstæðum sem boðið var upp á á Króknum að þessu sinni en það létu liðin ekki hafa áhrif á sig og léku af krafti. Sama má segja um alhörðustu stðnigsmennina sem klæddu sig eftir aðstæðum og studdu við bakið á heimastúlkum. Það skilaði sér því Stólarnir voru mun líklegri til að setja boltann í netið í fyrri hálfleik.
Það voru hins vegar gestirnir sem mættu grimmari á völlinn eftir hálfleikshléið og áttu nokkur góð færi sem þó rötuðu ekki inn í markið. En Stólar voru ekki á því að leyfa Mosfellingum að skora nem þá í eigið mark sem einmitt varð raunin á 65. mínútu þegar Alexandra Austmann Emilsdóttir varð fyrir því óláni að skalla boltann í eigið mark eftir fyrirgjöf inn í teig gestanna.
Seinn mark Stóla kom eftir rúman stundarfjórðung þegar Aldís María Jóhannsdóttir stangaði knöttinn af alefli í netið eftir sendingu hinnar ungu og bráðefnilegu Elísu Bríetar Björnsdóttur frá Skagaströnd, sem nýkomin var inn á og staðan orðin 2-0 sem hélst allt til loka.
Eftir leikinn situr Tindastóll í 4. sæti með tvo unna leiki en gæti með sigri eða jafntefli um næstu helgi hrifsað þriðja sætið úr höndum ÍBV, sem leikið hefur alla sína leiki en liðin eru nú jöfn að stigum.
Feykir sendi skeyti á Bryndísi Rut Haraldsdóttur, fyrirliða Stóla, og byrjaði á spyrja út í aðstæður.
„Ég held að þetta séu með því krefjandi aðstæðum sem ég hef lent í, þar sem þessi snjór festist allur í takkaskónum og boltinn breytist í snjóbolta! Mér fannst við tækla þessar aðstæður vel, reyndum að spila okkar leik og var oft hægt að sjá góða hluti þrátt fyrir aðstæður.“
Þrátt fyrir þetta var Bryndís mjög ánægð með leik liðsins.
„Við börðumst allan leikinn og náðum að æfa nokkur ákveðin atriði. Undirbúningstímabilið er búið að vera ágætt, finnst veðrið að vísu hafa leikið okkur grátt með völlinn. Það var erfitt í lok des og janúar að æfa sökum snjó eða kulda. Við höfum gert það besta úr því, náð að moka okkur svæði eða reynt að nýta svalirnar inni í íþróttahúsi. Veit að margir horfa á úrslitin í æfingarleikjunum en við höfum verið að vinna í ákveðnum hlutum og æfa okkur í, sem hefur borið mikinn árangur og er ég mjög ánægð með framfarir liðsins.“
Í lokin vill Bryndís koma þökkum til þeirra sem mættu á leikinn og studdu liðið og ekki síst fyrir að moka völlinn í hálfleik, en fjölmargir stukku til og gripu í snjósköfurnar og náðu að hreinsa vítateigana og fleira til. „Það gerði mjög mikið fyrir okkur og minnkaði slysahættuna um helling,“ segir Bryndís þakklát. Vel gert stuðningsfólk!
Hér fyrir neðan má sjá brot af því sem fyrir augu bar á fannhvítum vellinum í gær, þ.m.t. fyrra mark leiksins.
Þær voru nokkuð krefjandi aðstæðurnar þegar Stólar tóku á móti Aftureldingu í gær í Lengjubikarnum á Króknum. En leikurinn vannst 2-0.
Posted by Páll Friðriksson on Sunnudagur, 19. mars 2023
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.