Stólastúlkur í annað sætið
Stelpurnar í Tindastól fullkomnuðu góðan dag félagsins er þær lögðu Hattarstúlkur frá Egilsstöðum sannfærandi á Sauðárkróksvelli á laugardaginn en lokatölur urðu 5-2. Fyrr um daginn tók 3.fl. karla á móti BÍ/Bolungarvík og sigraði 6-0 og meistaraflokkurinn sótti Aftureldingu heim í Mosó og unnu með tveimur mörum gegn einu.
Það var ekki að sjá í upphafi leiks hjá stelpunum að gestirnir vermdu neðsta sæti deildarinnar því þær komu mun ákveðnari til leiks og skoruðu fljótlega eftir að dómarinn flautaði leikinn á og var þar á ferðinni Kristín Inga Vigfúsdóttir. Hugrún Pálsdóttir jafnaði þó leikinn fjórum mínútum síðar er hún fékk sendingu inn fyrir vörn gestanna og lagði boltann í hægra hornið. En ekki liðu nema þrjár mínútur þegar Emma Hewett kom Hattarstelpum yfir aftur og staðan því 2-1 eftir aðeins 13 mínútur.
Þrátt fyrir að Hattarstelpur væru líklegri til að auka muninn tókst heimastúlkum að verjast og ná einni og einni sókn. Í einni slíkri lentu Hugrún og Steinunn Lilja Jóhannesdóttir markmaður Hattar í samstuði með þeim afleiðingum að sú síðarnefnda var borin meidd af velli og kom ekki meira við sögu leiksins. Í hennar stað fór útileikmaður í markið og hafði það sín áhrif á gang leiksins því Stólastúlkur komust meira inn í leikinn og uppskáru mark í blálok fyrri hálfleiks þegar Guðrún Jenný Ágústsdóttir afgreiddi boltann í netið eftir að gestunum mistókst að hreinsa teiginn eftir hornspyrnu. Vel gert og jafnt komið á með liðunum í hálfleik 2-2.
Í seinni hálfleik var allt önnur stemning í liði heimastúlkna því þær mættu mun grimmari til leiks og sköpuðu sér mörg góð færi meðan gestirnir gerðu lítinn usla. M.a. átti Kolbrún Ósk Hjaltadóttir gott skot sem endaði í hliðarnetinu og markmaður Hattar gerði vel fyrir sitt lið er hún varði frá Hugrúnu sem komin var í dauðafæri. En á 48. mínútu bættu þær fyrir sig er Kolbrún skoraði eftir að hafa fengið góða sendingu inn fyrir vörnina frá Hugrúnu og kom Tindastól yfir 3-2. Þegar 63 mínútur voru liðnar af leiknum fiskaði Guðrún Jenný víti þegar hún var felld innan vítateigs og skoraði Svava Rún Ingimarsdóttir örugglega úr því og staðan orðin vænleg fyrir Stólana 4-2.
Eftir margar góðar sóknir og nokkur langskot heimastúlkna á markið náði Hugrún að bæta sínu öðru marki við eftir að hafa stungið vörnina af og laumað boltanum framhjá markmanni Hattar og í bláhornið og innsiglaði þar sigur Stólanna á annars ágætum andstæðingum.
Með sigrinum tyllti Tindastóll sér í annað sætið í riðlinum með 13 stig eftir 6 leiki, stigi ofar en Hamrarnir en Völsungur hefur stungið af með fullt hús stiga eða 21 stig eftir 7 leiki. Tindastóll hefur góðu liði á að skipa, þéttri vörn, leikandi miðju og ógnandi sókn þegar best lætur og varamennirnir veikja ekki liðið þegar þeim er teflt fram svo búast má við því að annað sætið verði ekki látið af hendi svo auðveldlega. Áfram Tindastóll!
/PF
Helga Dóra Lúðvíksdóttir smellti nokkrum myndum á leiknum, þær má sjá hér fyrir neðan.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.