Stólastúlkur heimsækja Austurberg Aþenu í kvöld
„Það eru allir spenntir fyrir fyrsta leiknum,“ segir Israel Martin, þjálfari kvennaliðs Tindastóls í körfunni, en lið hans spilar í kvöld fyrsta leik sinn í efstu deild körfuboltans á þessari öld. Þrjú lið fóru upp úr 1. deildinni í vor; Hamar/Þór vann deildina, lið Aþenu sigraði úrslitaeinvígi um laust sæti og hafði þá betur í hörku bardaga gegn liði Tindastóls. Síðan gerðist það að Fjölnir dró lið sitt í efstu deild úr keppni og þá var laust sæti fyrir Stólastúlkur.
Miklar breytingar eru á mannskap hjá liði Tindastóls en fimm erlendir leikmenn eru hjá liðinu. Allar þrjár erlendu stúlkurnar sem léku með liðinu í fyrra eru farnar og þá hafa Eva Rún, Aníta og Inga Sigríður haldið suður yfir heiðar og leika því ekki með liði Tindastóls í vetur. Feykir lagði nokkrar spurningar fyrir nýjan þjálfara liðsins en þó nokkuð kunnuglegan en Israel Martin tók við taumunum af Helga Margeirs nú í sumar.
„Undirbúningstímabilið hefur ekki verið alveg eins og við vildum. Við spiluðum aðeins tvo vináttuleikir og í rauninni höfum við ekki getað spila 5 á 5 á æfingum vegna meiðsla og brottfara leikmanna. Við getum enn ekki verið með fullan hóp á æfingum en við erum að vinna hörðum höndum í okkar málum og einbeita okkur að hlutum sem við getum stjórnað.“
Tveir nýir leikmenn komu til liðs við hópinn í síðustu viku og tveir héldu heim. Eru nýju leikmennirnir í góðu formi? „Melissa og Randi munu hjálpa okkur. Þær spila í tveimur af mikilvægari stöðunum í liðinu. Þær æfa vel en þurfa tíma til að aðlagast liðinu. Við erum í rauninni næstum því nýtt lið eftir að þær komu inn.
Það eru mörg ný andlit í liði Tindastóls. Ertu að ná að púsla saman samkeppnishæfu liði og hvert er markmiðið fyrir veturinn? „Við erum í góðum málum, við þurfum bara tíma til að þekkjast betur og komast í leikform. Markmið okkar er að koma á stöðugleika í verkefninu í efstu deild og vera skemmtilegt lið að horfa á spila körfubolta.“
Við mætum liði Aþenu í kvöld á útivelli en í næstu viku kemur lið Stjörnunnar í Síkið. Hvað vonastu til að sjá frá þínu liði og stuðningsmönnum þess? „Stjarnan spilaði í úrslitakeppninni á síðasta tímabili þannig að við erum að fá eitt besta lið deildarinnar í heimsókn á Sauðárkrók í byrjun tímabils. Það sem við þurfum að einbeita okkur að er okkar leikur, sama hvað. Við þurfum að verða betri með hverjum deginum á æfingum og byggja á því. Við viljum gefa öllum liðum leik og það er mjög mikilvægt fyrir aðdáendur okkar að sjá. Ég er viss um að okkar fólk mun mæta á leikinn og styðja liðið,“ segir Martin þjálfari.
Leikurinn fer fram í Austurbergi í Breiðholti og hefst kl. 19:15. Þetta er fyrsti leikur beggja liði í efstu deild á þessari öld en lið Aþenu en reyndar vart komið af leikskólaaldrinum í sinni sögu. Áfram Tindastóll!
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.