Stólarnir þurfa að leiðrétta kúrsinn
Tindastólsmenn tóku á móti góðu Keflavíkurliði í Síkinu í gærkvöldi og vonuðust stuðningsmenn Stólanna eftir því að leikmenn hefndu ófaranna gegn Val á dögunum, kæmu ákveðnir til leiks og sýndu Keflvíkingum í tvo heimana. Ekki gekk það eftir. Heimamenn leiddu í hálfleik en í síðari hálfleik gekk hvorki né rak og Keflvíkingar unnu þægilegan sigur. Lokatölur 75-84. Nú er komið að því að hrökkva eða stökkva, lið Tindastóls er vel skipað en eitthvað er augljóslega ekki að virka.
Staðan var reyndar svipuð á sama tíma fyrir ári og eftir smá uppstokkun hrukku Stólarnir í gírinn og framhaldið þekkja flestir – Stólarnir skelltu sér á brimbrettið og riðu ölduna baráttuglaðir og brosandi með meiripart þjóðarinnar með sér á brettinu. Þessi tilfinning er ekki til staðar í dag og svo langt frá því öruggt að liðið finni svipaða öldu aftur þegar vorið nálgast.
Fá lið í deildinni búa yfir meiri breidd en lið Tindastóls eða meiri gæðum. Sennilega hefðu flestir stuðningsmenn Stólanna talið liðið vera eitt af þremur best skipuðu liðum deildarinnar fyrir tímabilið, á pari við Keflavík og Val. Með sterkan heimavöll og frábæran stuðningsmannahóp sem mætir alltaf, allstaðar, hefðu fá lið átt að standast Stólunum snúninginn. Staðreyndin er aftur á móti sú að liðið virkar hálf litlaust. Hvar er gamla góða Tindastólshjartað sem menn hafa státað af í gegnum tíðina? Er einum erlendum leikmanni of mikið í liðinu? Er þjálfarinn ekki að ná til leikmanna? Eru menn að bíða eftir úrslitakeppninni og ætla bara að kveikja á sér þá?
16% 3ja stiga nýting ekki vænleg til árangurs
Stólarnir fóru ágætlega af stað í gær, komust í 20-13 eftir þrist frá Arnari en Keflvíkingar svöruðu með átta stigum og komust yfir. Staðan þó 22-21 að loknum fyrsta leikhluta og áfram var leikurinn hnífjafn í öðrum leikhluta en heimamenn þó oftar en ekki skrefinu á undan. Staðan í hálfleik 45-43. Fyrstu mínútur þriðja leikhluta var leikurinn í járnum en Keflvíkingar voru með tromp upp í erminni – jafnvel sitt hvort trompið í sitt hvorri erminni. Halldór Garðar var ólseigur en mestu munaði þó um Igor Maric sem var sjóðheitur utan 3ja stiga línunnar og setti niður sex þrista í níu tilraunum. Það var einfaldlega einum þristi meira en allt Tindastólsliðið gat státað af í 32 skotum (16% nýting)! Keflvíkingar voru yfir 58-65 að loknum þriðja leikhluta og voru fljótlega búnir að ná 10-12 stiga forystu í þeim fjórða og Stólarnir hreinlega aldrei nálægt því að brúa bilið það sem eftir lifði.
Drungilas var í raun eini leikmaður Stólanna með sæmilegt framlag í gær – enda Milka í hinu liðinu. Kappinn var með 20 stig og ellefu fráköst. Keyshawn spilaði tæpar 34 mínútur en tók aðeins átta skot í leiknum, endaði með 12 stig og þrjú fráköst. Zoran var með 13 stig á rúmum 15 mínútum (þar af sjö af vítalínunni) en aðrir fundu ekki fjölina góðu. Aðeins þrír leikmenn Tindastóls voru með yfir tíu framlagspunkta í leiknum; Drungilas, Zoran og Pétur. Igor Maric var stigahæstur í liði Keflavíkur með 23 stig, Okeke skilaði 14 stigum og Milka 13.
Lið Tindastóls er nú í sjöunda sæti Subway-deildarinnar með 12 stig eftir 12 leiki. Það er langt frá þeim stað sem flestir sáu fyrir sér í byrjun tímabils. Nú hefur liðið tapað tveimur leikjum í röð á heimavelli en reyndar gegn tveimur bestu liðum deildarinnar. Sennilega hafa ekki margir áhyggjur af því að Stólarnir skili sér ekki í úrslitakeppnina en þó augljóst að ekki dugir að láta reka á reiðanum – leiðrétta þarf kúrsinn í hvelli. „Við eigum 14 daga frí núna og ætlum að nota það,“ sagði Vlad, þjálfari Tindastóls, í samtali við Vísi að leik loknum og gaf í skyn að breytingar á liðinu yrðu skoðaðar.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.