Stólarnir spiluðu sambabolta í blíðunni á Króknum
Það sló í 20 gráðurnar á Króknum í gær þegar Tindastóll og Hamar mættust í 4. deildinni og því upplagt að spila sambabolta. Sem var það sem leikmenn Tindastóls gerðu því strákarnir sýndu lipra takta og skoruðu fimm gullfalleg mörk sem glöddu óvenju fjölmennan hóp stuðningsmanna sem skemmti sér hið besta á leiknum. Lokatölur voru 5-1 fyrir heimamenn sem hafa nú komið sér fyrir í efri hluta deildarinnar.
Stólarnir létu boltann ganga hratt og í fáum snertingum frá upphafi og höfðu skapað sér nokkur ágæt tækifæri áður en fyrsta markið leit dagsins ljós á 21. mínútu. Þá kláraði Sigurður Pétur frábæra sókn með hörkuskoti utan teigs. Aðeins þremur mínútum síðar tættu Stólarnir vörn gestanna í sig og Addi Ólafs afgreiddi sitt færi af öryggi. Þriðja mark Tindastóls kom á markamínútunni en þá setti Jónas Aron punktinn fyrir aftan enn eina glæsisókn sinna manna. 3-0 í hálfleik.
Dom þjálfari skipti sjálfum sér út af í hálfleik og Jón Gísli Stefáns kom inn á sem reyndist snilldarskipting því kappinn hafði slúttað enn einni prýðissókn Stólanna fjórum mínútum eftir að hann steig á völlinn. Fékk boltann utan teigs og negldi á markið og markvörður Hvergerðinga réð ekki við þrumufleyginn. Eftir þetta gíruðu Stólarnir sig aðeins niður og einbeitingin og ákafinn var ekki sá sami og í fyrri hálfleik. Það má aldrei slaka á því gestirnir poppuðu upp með mark nánast upp úr engu á 52. mínútu en voru nú aldrei líklegir til afreka í leiknum. Sigurður Pétur, stóri bróðir Jóns Gísla, kláraði markaskor leiksins þegar rúmar 20 mínútur voru eftir af leiknum og það var eitt fallegasta mark sem sést hefur á gervigrasinu á Króknum. Fékk boltann á miðjum vallarhelmingi Hamars og þrumaði upp í bláhornið vinstra megin. Stólarnir fengu nokkur fín færi það sem eftir lifði en mörkin urðu ekki fleiri.
Það var ekki veikan blett að finna á liði Tindastóls í gær, helst að menn þurfi að vanda sig við að halda einbeitingu. Vörnin var traust og sóknarleikurinn lengstum stórskemmtilegur og hraður en oftar en ekki byrjaði spilið út frá vörn og síðan voru allir leikmenn virkjaðir til þátttöku. Að öðrum ólöstuðum er rétt að nefna að Sigurður Pétur var hreint frábær í leiknum. Lið Tindastóls og Hamars voru jöfn að stigum, með átta stig, fyrir leik en það var eiginlega himinn og haf á milli þeirra í fótboltagæðum í gær.
Eftir að hafa spilað sjö leiki í deildinni eru Stólarnir með ellefu stig og sitja í fimmta sæti. Í næstu tveimur leikjum mæta strákarnir liðunum í þriðja og fjórða sæti, KFK og KÁ og það verða mikilvægir leikir fyrir Tindastól ef þeir ætla að blanda sér í. toppbaráttu 4. deildar fyrir alvöru. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.