Stólarnir í átta liða úrslit Fótbolta.net bikarsins
Það var boðið upp á hörkuleik á Króknum í gær þegar lið Tindastóls tók á móti Hlíðarendapiltum í KH í Fótbolti.net bikarnum þar sem neðri deildar lið mætast. Stólar og KH leika bæði í 4. deildinni en bæði lið léku ágætan fótbolta í gær. Það voru hins vegar heimamenn sem höfðu betur eftir mjög fjörugan síðasta hálftíma leiksins og lokatölur 2-1.
Liðin skiptust á um að eiga góða kafla í fyrri hálfleik en Stólarnir fengu betri færi. Addi Ólafs slapp í gegnum vörn KH en dvaldi of lengi á boltanum en vildi fá víti þegar varnarmaður gestanna kom honum úr jafnvægi. Þá fékk Benni Gröndal gott færi á fjærstöng þegar leið að hálfleik en setti boltann yfir markið. Markalaust í hálfleik.
Tindastólsmenn brettu upp ermar í byrjun síðari hálfleiks og voru klárlega sterkari aðilinn. Á 60. mínútu voru þeir við það að sleppa inn fyrir vörn gestanna en Kristinn Kári fyrirliði KH tók Adda Ólafs niður millimetrum utan teigs. Hann fékk að líta rauða spjaldið, gat lítið við því sagt og tölti af velli. Tindastóll fékk því aukaspyrnu á góðum stað og úr henni var þrumað í vegginn en í kjölfarið lyfti Svend Emil sakleysilegum bolta inn á teiginn en Víðir Jökull, sem hafði staðið fyrir sínu í markinu, misreiknaði boltann illilega. Boltinn boppaði yfir hann og Jónas Aron var snöggur að átta sig, komst í boltann á undan Víði og skóflaði honum í markið.
Þrátt fyrir að vera einum færri gerðust gestirnir nú sókndjarfari, enda til lítils að sitja til baka og verja markið undir í útsláttarkeppni. Þetta þýddi líka að vörn þeirra opnaðist og það var frekar frústrerandi að sjá Stólana klúðra hverri sókninni á fætur annarri. Þeir fengu það enda í hausinn á 85. mínútu þegar gestirnir sóttu víti eftir að Sverrir fyrirliði braut á sóknarmanni KH. Nikola byrjaði á að verja víti frá Luis Carlos Cabrera Solys en dómarateymið taldi að hann hefði verið kominn af línunni og því þurfti að endurtaka vítið. Þá jafnaði Luis leikinn. Stólarnir voru hins vegar eldsnöggir að ná forystunni aftur en á 87. mínútu kom Manuel Martinez Stólunum yfir á ný með frábæru skoti utan teigs í fjærhornið hjá Víði markmanni. Gestirnir áttu fá svör í framhaldinu og Stólarnir því komnir í átta liða úrslit í þessari skemmtilegu bikarkeppni.
Þá þyngist væntanlega róðurinn enda nokkur lið úr 2. deild enn með í keppninni en þar má nefna Selfoss, KFA, Hauka, sterk lið úr 3. deild eru komin áfram en lið Tindastóls er það eina sem komst áfram af liðunum í 4. deild. Dregið verður í átta liða úrslitin á morgun.
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.