Stólarnir höfðu yfirburði gegn Hlíðarendapiltum
Lið Tindastóls tók á móti Hlíðarendapiltum í kvöld á Sauðárkróksvelli í 15. umferð 4. deildar. Stólarnir voru í fjórða sæti deildarinnar með 24 stig fyrir leik en lið KH í sjötta sæti með 20 stig. Ekki var það að sjá á spilamennsku liðanna að þau væru á svipuðum slóðum í deildinni því yfirburðir Tindastóls voru talsverðir og úrslit leiksins, 4-0, fyllilega verðskulduð.
Leikið var við fínar aðstæður á Króknum, veður stillt en pínu svalt í stúkunni. Gestirnir komust varla fram yfir miðju fyrstu tíu mínútur leiksins en Stólarnir fengu sennilega átta hornspyrnu á þeim kafla. Leikmenn KH vörðust þokkalega og heimamenn misstu taktinn þegar leið á fyrri hálfleik enda gekk illa að finna fremstu menn í fætur. Það var þó með ólíkindum að Tindastóll væri ekki komið yfir fyrir hálfleik en þannig var það nú. Staðan 0-0.
Strax á 49. mínútu braut síðan Dom þjálfari Furness ísinn og korteri síðar var hann aftur á ferðinni og mörkin keimlík, kappinn mættur inn á teig á réttum tíma til að skila boltanum í markið eftir fyrirgjafir. Jónas Aron gerði út um leikinn með þriðja marki Tindastóls á 71. mínútu, afgreiddi þá boltann laglega í mark KH eftir fínan undirbúning Jóns Gísla. Konni gerði síðan fjórða markið á fimmtu mínútu uppbótartíma og var þá búinn að klikka í tvígang mínúturnar á undan. Reyndar er alltaf gaman að horfa á Konna spila fótbolta þó ekki sé hann sá fljótasti í bransanum, hann lætur leikinn stundum líta út fyrir að vera ansi auðveldur.
Sem fyrr segir var sigurinn sanngjarn og varla hægt að segja að lið KH hafi skapað sér færi í leiknum. Stólarnir létu boltann oft ganga lipurlega en eins og síðustu sumur þá vantar enn klassíska markamaskínu í liðið. Lið Tindastóls er enn í fjórða sæti 4. deildar, nú með 27 stig. Lið KFK er í þriðja sæti með 30 stig, Árborg í öðru með 31 stig og Vængir Júpíters í góðri stöðu með 35 stig í efsta sæti. Næsti leikur Tindastóls er næstkomandi föstudag en þá mæta strákarnir liði Hamars í Hveragerði.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.