Stólarnir gerðu góða ferð á Seltjarnarnesið
Tindastólsmenn gerðu góða ferð suður á Vivaldi-völlinn á Seltjarnarnesi í gær þar sem lið Kríu beið eftir þeim. Eftir tap gegn Knattspyrnufélagi Hlíðarenda í síðustu umferð þurftu Stólarnir að snúa blaðinu við og skunda heim í Skagafjörð með þrjú stig í farteskinu. Það hafðist með góðum 1-2 sigri.
Það var eitt mark gert í fyrri hálfleik og það gerði David Bercedo á 31. mínútu. Hann bætti síðan við öðru marki á 57. mínútu en heimamenn löguðu stöðuna þremur mínútum síðar. Á fyrstu mínútu uppbótartíma fékk Dom þjálfari síðan að líta sitt annað gula spjald en hann hafði komið ínn á á 83. mínútu.
Góð úrslit því staðreynd og á þriðjudag eiga Stólarnir heimaleik gegn Skallagrími en þeim leik var fresta vegna vallaraðstæðna í byrjun maí. Með sigri kæmist lið Tindastóls upp í þriðja sæti deildarinnar en Stólarnir sóttu reyndar ekki gull í greipar Borgnesinga síðasta sumar.
Spenntur að komast loks á heimavöllinn
Feykir hafði samband við Dominic Furness, þjálfara Tindastóls, að leik loknum og byrjaði á að spyrja hann hvort hann væri ánægður með þá leikmenn sem hefðu bæst í hópinn í vor. „Ég er mjög ánægður með alla strákana, vinnuframlag og skuldbindingu. Þessi leikur sýndi þá skuldbindingu sem við þurfum að hafa til að ná árangri. Frá fyrstu flauti til þess síðasta hlupu strákarnir og börðust fyrir hverjum sentimetra.“
Eru leikmenn spenntir fyrir því að spila loksins heima? „Við erum virkilega spenntir fyrir hverjum leik en sérstaklega spenntir að komast á heimvöllinn eftir fjóra leiki á útivelli!“
Skallagrímur í næsta leik - eigum við að gera betur gegn þeim en í fyrra? „Við förum í alla leiki með það hugarfar að vinna, ekkert minna – að ná tökum á leiknum og þvinga okkar vilja upp á andstæðinginn.“
Tvö gul spjöld á þjálfarann í gær, var það sanngjarnt? „Ég ber miklu virðingu fyrir þeim sem dæma leiki, þetta er ótrúlega erfitt starf, en þeir eru mannlegir og mistök eru gerð. Rétt eins og í Hamarsleiknum þegar við fengum tvær vítaspyrnur á móti sem voru greinilega ekki víti. En þetta er hluti af fótboltanum og lífinu; þetta snýst allt um hvernig við bregðumst við þessum aðstæðum sem munu ákvarða örlög okkar sem leikmenn og menn.“ segir Dominic Furness að lokum.
Þá er bara að krossa fingur og vona að það verði ekki ófært á þriðjudaginn.
Fleiri fréttir
-
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.