Stólarnir áfram í VÍS bikarnum eftir barningsleik gegn Haukum
Tindastóll og Haukar mættust í VÍS bikarnum í Síkinu í kvöld og úr varð spennandi leikur, í það minnsta svona framan af leik. Stólarnir náðu góðum kafla um miðjan þriðja leikhluta og bjuggu sér þá til forskot sem gestunum tókst ekki að vinna niður. Leikurinn var ekki áferðarfallegur, varnir beggja liða voru ágætar en það væri synd að segja að sóknarleikurinn hafi flætt vel. Lokatölur urðu 88-71 fyrir Stólana sem eru þar með komnir í 16 liða úrslit bikarsins þar sem þeir heimsækja Njarðvíkinga.
Ekki vantaði stemninguna í Síkið í kvöld en það vantaði Arnar í lið Tindastóls. Bæði lið skelltu í þrist í sinni fyrstu sókn í kvöld en síðan botnfraus í Síkinu í dágóða stund. Það bráðnaði fyrr undan gestunum og um miðjan leikhlutann voru þeir komnir með tíu stiga forystu, 3-13. Keyshawn og Badmus komu heimamönnum í gang og staðan að loknum leikhlutanum 16-17 fyrir Hauka. Gestirnir voru lengstum hænufetinu á undan í öðrum leikhluta en hittni heimamanna utan 3ja stiga línunna var frekar döpur. Zoran jafnaði leikinn, 28-28, þegar ein og hálf mínúta var til hálfleiks og Pétur kom sínum mönnum yfir, 31-30, stuttu síðar. Eftir líflega síðustu mínútu leiddu Stólarnir í hléi. Staðan 35-33.
Jafnræði var með liðunum til að byrja með í síðari hálfleik. Siggi Þorsteins kom Stólunum í 40-37 þegar tvær mínútur voru liðnar en í kjölfarið fylgdu þrír þristar frá Badmus og Stólarnir skyndilega komnir með tíu stiga forystu. Haukarnir börðust eins og ljón og með Hilmar Hennings í góðum takti þá hengu þeir inni í leiknum. Munurinn yfirleitt 8-12 stig. Keyshawn kláraði þriðja leikhluta með glæsibrag; setti niður ruglþrist eftir að Haukar klikkuðu á tveimur vítum, stal síðan boltanum hinum megin á vellinum og lagðann í körfu gestanna. Staðan 61-48 að loknum þriðja leikhluta og nokkuð ljóst í hvað stefndi.
Haukarnir voru þó ekki af baki dottnir og koma sér á ný inn í leikinn með 0-7 kafla en Badmus sá til þess að nær komust þeir ekki. Þristur frá Zoran slökkti vonir gestanna um miðjan fjórða leikhluta og Vlad fór að leita dýpra á bekkinn. Síðustu mínúturna gladdi að sjá Reyni skella í þrist og Badmus troða með tilþrifum.
Góður 17 stiga sigur því staðreynd og Stólarnir áfram í bikarnum. Það voru Kewshawn, Badmus og Zoran sem drógu vagninn í kvöld þegar kom að stigaskori; Woods mallaði jafnt og þétt allan leikinn og endaði með 27 stig og átta fráköst, Badmus var með 25 stig og sjö fráköst og Zoran var með 18 stig. Drungilas komst aldrei í takt við leikinn sem var frekar óreiðukenndur. Það er hins vegar staðreynd að körfuboltinn er talsvert auðveldari ef skotin rata í körfuna. Það sannaðist í síðari hálfleik.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.