Stefanía Hermannsdóttir hlaut Minningarbikar um Stefán Guðmundsson og Hrafnhildi Stefánsdóttur
Hin unga frjálsíþróttakona Stefanía Hermannsdóttir á Sauðárkróki fékk á dögunum afhentan minningarbikar um Stefán Guðmundsson fv. stjórnarformann KS og konu hans Hrafnhildi Stefánsdóttur. Um farandbikar er að ræða sem oftast hefur verið veittur samhliða athöfn Menningarsjóðs KS.
Að þessu sinni fór athöfnin fram í aðal húsakynnum Kaupfélagsins undir stjórn Bjarna Maronssonar, stjórnarformanns KS, sem afhenti Stefaníu afreksbikar og fjárstyrk. Í umsögn um afrek Stefaníu segir að hún sé ung frjálsíþróttakona sem æfi hjá frjálsíþróttadeild Tindastóls og keppi undir merkjum UMSS. „Hennar aðal keppnisgreinar eru spjótkast og kringlukast. Stefanía hefur náð bestum árangri í spjótkasti og er orðin einn besti spjótkastari landsins þó hún sé enn ung. Hún setti til að mynda glæsilegt héraðsmet í sínum aldursflokki síðasta sumar með kasti upp á 41,75 metra.
Hún varð í öðru sæti bæði í kringlukasti og spjótkasti á Meistaramóti Íslands 15-22 ára í júní á liðnu ári. Nú í desembermánuði var Stefanía svo valin í landsliðshóp FRÍ eftir árangur sumarsins.“
Þó aðalgreinar Stefaníu séu spjótkast og kringlukast þá hefur hún æft og keppt í kúluvarpi en segist hafa dregið sig pínu frá því. Eins og að framan greinir hefur henni vegnað vel á keppnisvellinum en segist verða sáttari með meiri bætingar og stefnir hún á það í sumar.
„Ég hef ekki keppt í vetur, keppi aðallega utan húss á sumrin. Á veturna æfi ég með því að styrkja mig, tek af og til kastæfingar en er aðallega að styrkja,“ segir Stefanía sem að sjálfsögðu stefnir á að kasta lengra á komandi keppnistímabili. Hennar stærsta markmiðið er náttúrulega að komast á Ólympíuleikana einhvern daginn en hún komst með árangri sínum í landsliðshópinn fyrir þetta ár.
En það er fleira en íþróttir sem verið er að stunda því hún nemur rafvirkjun í FNV.
„Það gengur bara mjög vel. Fín kennsla og aðeins fjölbreyttara en að vera bara í bóklega náminu á stúdentsbrautinni. Ekki alveg búin að ákveða framhaldið en hef áhuga á rafeindafræðinni og stefni líklega í þá átt.“
Fyrir þau sem ekki koma Stefaníu fyrir sig gæti hjálpað að nefna foreldrana en þau eru Hermann Einarsson, stýrimaður, og Kolbrún Þórðardóttir, kennari.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.