Reynir var valinn efnilegasti leikmaður Þórs í vetur
Um miðjan maí hélt körfuknattleiksdeild Þórs á Akureyri sitt lokahóf en Þórsarar voru með lið í Subway-deild kvenna og 1. deild karla. Í kvennaflokki voru tvær stúlkur sem stigu eitt sinn dansinn með liði Tindastóls, þær Maddie Sutton og Eva Wium Elíasdóttir, verðlaunaðar og þá var Króksarinn og Íslandsmeistarinn Reynir Róbertsson valinn efnilegasti leikmaður Þórs á síðasta tímabili.
Reynir var í leikmannahópi Tindastóls árið áður og nældi sér í gullmedalíu þegar Stólarnir urðu Íslandsmeistarar í fyrsta sinn. Hann ákvað hins vegar að söðla um síðasta sumar og skipti yfir í Þór þar sem hann hefur fengið mikinn spilatíma. Feykir hafði samband við Reyni, sem er fæddur árið 2004 og sonur Róberts Óttarssonar og Selmu Barðdal, og spurði fyrst hvað hann væri að gera annað á Akureyri en spila körfubolta. „Ég er að vinna sem stuðningsfulltrúi til tvö á daginn og svo er það í rauninni bara æfingar og leikir eftir það.“
Hvernig var veturinn með liði Þórs? „Veturinn var mjög góður, mér leið mjög vel á Akureyri og með Þór, það var tekið mjög vel á móti mér og ég var ekki ekki lengi að koma mér fyrir.“
Varstu ánægður með eigin spilamennsku? „Ég var nokkuð sáttur, átti marga leiki þar sem ég skoraði yfir 30 stig og við unnum marga mjög skemmtilega leiki sem okkur var svo sannarlega ekki spáð sigri í!“
Hvað vantaði upp á til að koma Akureyringum aftur í efstu deild? „Það var ekki mikið, en þetta var uppbyggingartímabil. Okkur var spáð 11. sæti en við enduðum í fimmta og komumst í 4 liða úrslit þar sem við mættum ÍR sem voru með fimm útlendinga,“ segir Reynir en hann bætir við að Þórsarar hafi verið með tvo erlenda leikmenn; einn Kana og einn Bossmann.
Var góð stemning fyrir körfunni í úrslitakeppninni? „Mjög góð, lið voru ekki spennt að koma á Akureyri í höllina. Svo vorum við með frábært stuðningsfólk sem kom að hvetja og svo hélt stjórnin vel um hlutina,“ segir Reynir sem hefur enn ekki ákveðið fyrir hvern hann ætlar að negla niður þristum á næsta tímabili – klárar fyrst landsliðsverkefni sumarsins og sér svo til.
Feykir óskar kappanum til hamingju með nafnbótina efnilegasti leikmaðurinn.
Fleiri fréttir
-
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.