Norðurlandsúrvalið fór sigurferð til Danmerkur
Feykir sagði frá því í lok janúar að sex knattspyrnustúlkur af Norðurlandi vestra voru valdar í Norðurlandsúrvalið sem er skipað stúlkum fæddum 2007-08. Nú um mánaðarmótin fór hópurinn í frábæra keppnisferð til Danmerkur þar sem þær spiluðu við FC Nordsjælland og Brøndby sem eru með frábært yngri flokka starf og hafa á að skipa sterkum liðum sem talin eru með þeim bestu í þessum aldursflokki í Danmörku. Norðurlandsúrvalið gerði sér lítið fyrir og vann báða leikina.
Norðurlandsúrvalið er skipað efnilegustu knattspyrnustelpunum af Norðurlandi nú í vetur og hafa þær nokkrum sinnum komið saman og æft fyrir framan þjálfara KSÍ. Rúsinan í pylsuenda vetrarstarfsins var síðan að fara til Danmerkur og spila tvo hörkuleiki.
Í 20 manna hópnum voru Króksararnir Sigríður Hrafnhildur Stefánsdóttir (Lilla), Hulda Þórey Halldósrdóttir, Katla Guðný Magnúsdóttir, Blönduósingurinn Elísabet Nótt Guðmundsdóttir og síðan Skagstrendingarnir Birgitta Rún Finnbogadóttir og Elísa Bríet Björnsdóttir. Allar spila stelpurnar saman með sameiginlegum liðum Tindastóls/Hvatar/Kormáks og þær hafa einnig fengið að finna smjörþefinn af því að spila með Bestu deildar liði Tindastóls í undirbúningsleikjum Stólastúlkna nú í vetur. Þjálfarar í ferðinni voru. Ágústa Kristinsdóttir, yfirþjálfari Þór/KA, og Þórólfur Sveinsson (Tóti) sem er yfirþjálfari yngri flokka Tindastóls.
Í frétt á síðu stuðningsmanna knattspyrudeildar Tindastóls segir að stelpurnar spiluðu tvo leiki og unnu þá báða. Fyrst léku þær gegn FC Nordsjælland og höfðu 1-0 sigur þar sem Katla Guðný lagði upp sigurmarkið sem Elísa Bríet gerði.Leikinn gegn Brøndby vann Norðurlandsúrvalið 5-1. Mörkin í þeim leik skoruðu Birgitta Rún eftir stoðsendingu frá Kötlu Guðný, Rebekka Sunna skoraði eftir horn frá Hildi, Hildur Anna skoraði glæsilegt mark af 30 metra færi, Katla Guðný skoraði eftir sendingu frá Hildi og Emelía Blöndal skoraði eftir undirbúning frá Kötlu Bjarnadóttir.
Samkvæmt upplýsingum Feykis gisti hópurinn á Danhostel og eins og í öllum meiriháttar heimsóknum til Danmerkur var kíkt á Strikið og mollið sígilda, Fisketorvet, og þá var slegið upp pubquiz-keppni eitt kvöldið. „Okkar stelpur voru mjög flottar og áttu stóran þátt í góðum árangri á vellinum og einnig voru þær góðir liðsmenn utan vallar,“ segir Tóti þjálfari hæstánægður með stelpurnar sex sem fóru héðan af Norðurlandi vestra.
„Við náðum allar vel saman“
Feykir hafði samband við Lillu, sem er markvörður eins og hún á kyn til, og spurði til að byrja með hvort það hefði verið gaman að spila með Norðurlandsúrvalinu. „Já, það var ótrúlega gaman, þetta var lika svo gott tækifæri til að fá að spila með svona góðum stelpum. Andinn í hópnum var mjög góður, við náðum allar vel saman.“
Hvað stóð upp úr í ferðinni? „Það sem var eftirminnilegast voru örugglega leikirnir tveir en þetta var allt saman mjög skemmtilegt.“
Hver er svo stefnan í sumar með sameiginlegum liðum Tindastóls/Hvatar/Kormáks? „Stefnan í sumar er náttúrulega að reyna að vinna alla leikina okkar og reyna að æfa meira saman,“ segir Lilla að lokum.
Við óskum stelpunum öllum til hamingju með frábæra ferð og hlökkum mikið til að fylgjast áfram með þeim í framtíðinni.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.